Өфөлә актерҙар «Йөрәк һүҙе» конкурсында төп бүләк – автомобиль өсөн көрәшә

IMPORT Сервисный

ӨФӨ, 2019 йыл, 7 ноябрь. /«Башинформ» мәғлүмәт агентлығы, Ләйлә Аралбаева/. Өфөлә «Йөрәк һүҙе» телевизион шиғриәт конкурсының финалы була. Башҡорт телендәге шиғри бәйге 9 ноябрҙә «Башҡортостан» дәүләт концерт залында уҙа. Быйыл конкурс Башҡортостандың халыҡ шағиры Мостай Кәримдең 100 йыллығына бағышлана. Төп бүләк — автомобиль өсөн 500 мең һумлыҡ сертификат.

Тәүге тапҡыр конкурста актер һәм режиссер белеменә эйә булғандар ғына ҡатнаша. Улар араһында башҡорт һәм татар театрҙарының танылған актерҙары – Суфия Ҡорбанғәлиева, Нәғим Нурғәлин, Римма Ҡаһарманова, Илгиз Таһиров, Гөлназ Мөхәмәҙиева, Фәнис Рәхмәтов, Зөлфиә Хәлилова, Шәһитулла Хамматов, алып барыусылар Земфира Байбулдина, Фәрүәз Урманшин һәм башҡалар. Бәйгенең комментаторҙары булып, ғәҙәттәгесә, Фирҙәт Ғәлиев һәм Александр Кузьменко сығыш яһай.

«2019 йылда тотош илебеҙ менән Башҡортостандың халыҡ шағиры, башҡорт драматургияһының аҡһаҡалы Мостай Кәримдең 100 йыллығын һәм бер үк ваҡытта Театр йылын билдәләйбеҙ, — тине проект авторы һәм етәксеһе Наилә Сәфәрғолова. — Мин, ошо проекттың авторы һәм етәксеһе булараҡ, шиғри бәйгене актерҙар һәм режиссерҙар араһында үткәрергә булдым. Был минең өсөн бик мөһим ине, сөнки, минеңсә, театр тамашасыһы һәм Театр Ғали йәнәптәре быйыл айырым иғтибарға лайыҡ. Проектыбыҙҙы яратыусылар был ҡарарҙы аңлап ҡабул итер тип ышанам».

Беренсе бүлектә юбиляр шағирҙың шиғырҙарын һөйләһәләр, икенсеһендә ирекле тема һәм теләгән авторҙы һайлау мөмкинлеге бирелгән. Конкурс йомғаҡтары буйынса «Һүҙ оҫтаһы» һәм «Тамашасылар һөйөүе призы» номинацияларында еңеүселәрҙе билдәләйҙәр.

«Йөрәк һүҙе» проекты халыҡ трибунаһына әүерелгән тиергә мөмкин. Форматы — дуэль, алыш, унда еңеүсе һәм еңелеүсе булырға тейеш, — ти Наилә Сәфәрғолова. — Маҡсатым — башҡорт телен пропагандалау һәм популярлаштырыу, уны яҡлау. Ошондай сараны исем өсөн түгел, ә ысын йөрәктән уҙғарырға кәрәк. Шуға ла «Йөрәк һүҙе»ндә талаптар юғары, шарттар ҡатмарлы һәм, әлбиттә, лайыҡлы бүләктәр».

http://www.bashinform.ru/news/1375670-v-ufe-aktery-bashkirskikh-teatrov-vyydut-na-poeticheskiy-poedinok-slovo-serdtsa/

#поэзия #мостай кәрим #башҡорт теле

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.