Шишәмбе, 12 Май 2026

Өфө

+13 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Мәҙәниәт

09:58 (UTC+5), 30 Октябрь 2019

Башҡорт фолк һәм рок төркөмдәре республиканың 100 йыллығына миҙалдар менән бүләкләнде

Илнар Рәхмәтуллин

IMPORT Сервисный

ӨФӨ, 2019 йыл, 30 октябрь. /«Башинформ» мәғлүмәт агентлығы, Ләйлә Аралбаева/. Башҡорт фолк һәм рок төркөмдәре республиканың 100 йыллығына юбилей миҙалдары менән бүләкләнде. Бүләкләү кисә Өфөлә уҙған быуаттың 90-сы йылдарындағы төркөмдәрҙең һәм солистарҙың ҙур ретро-концертында үтте. Мәҙәниәт министры Әминә Шафиҡова популяр коллективтарҙың етәкселәренә — Башҡортостандың халыҡ артисы Вилдан Яруллинға, Башҡортостандың атҡаҙанған артистары Алмаз Ғафаровҡа, Альберт Ғаббасовҡа, Башҡортостандың атҡаҙанған сәнғәт эшмәкәре Урал Иҙелбаевҡа, Юлай Асҡаровҡа, Марат Йәғәфәровҡа, Нәжип Юлдашбаевҡа миҙал тапшырҙы.

«90-сы йылдарҙа, илдә үҙгәрештәр барған, ҡиммәттәр емерелгән осорҙа яңы геройҙар кәрәк ине. Яратҡан йырсыларыбыҙ Ғәли Хәмзин, Фәриҙә Ҡудашева, Радик Гәрәев, Флүрә Килдейәрова, Фидан Ғафаров, Нурия Ирсаева һәм башҡалар менән бер рәттән яңы музыка менән йәштәр килде, яңы төркөмдәр асылды. Уларҙың йоғонтоһонда 90-сы йылдар йәштәре дөрөҫ юлды — илһөйәрлек, яҡындарына, үҙҙәренең тамырҙарына, тыуған республикаһына һөйөү юлын һайланы. Улар — легендар «Урал моңо», «Йәшлек-шоу» концерттары, ошо йырҙарға, ошо музыканттарға һөйөүебеҙ ҙур ине. Улар ҙур өлөш индерҙе, республикабыҙ тарихының айырып алғыһыҙ күренешенә әүерелде», — тип билдәләне министр.

Ретро-концерт аншлаг менән үтте. Барлыҡ башҡорт рок легендалары ла тиерлек тәүге тапҡыр Башҡортостандың Милли симфоник оркестры менән сығыш яһаны. Концерттың идеяһы - «Башҡортостан» дәүләт концерт залы директоры Вилдан Яруллиндыҡы. Ун йырҙы, улар иҫәбендә «Сыңрау торна», «Аҡ ҡалфаҡ», «Бүләк», «Йоҡла, минең бәпәйем» бар, оркестр менән башҡарыу өсөн танылған композитор һәм музыкант, Ш.Бабич исемендәге дәүләт йәштәр премияһы лауреаты Шәүрә Сәғитова һәм Урал Иҙелбаев («Һөйгән ҡыҙыма») әҙерләне. Камил Абдуллин дирижерлыҡ итте.

«Ҡыҙыҡлы проект, мин ҡатнашырға ҡуш ҡуллап ризалаштым. Улар – бала сағым йырҙары, күптәренән күҙҙәргә йәш тула. Музыканттар менән бергә ниндәй йырҙарҙың оркестрға нығыраҡ тура килеүен ҡараныҡ. Киләсәктә популяр йырҙарҙы симфоник оркестр менән башҡарыу тәжрибәһе дауам итер тип уйлайым», — тине Шәүрә Сәғитова.

Концертта Саксония делегацияһы ла бар ине. Фойе һәм сәхнә ретро стилендә биҙәлгәйне, Земфира Байбулдина етәкселегендәге алып барыусылар 90-сы йылдарҙағы популяр тапшырыуҙарҙы һәм кумирҙарҙы хәтергә төшөрҙө. «Карауанһарай» фольклор-эстрада төркөмө, «Дәрүишхан», «Рух» рок, «Ант», «Сая», «Аҡйондоҙ», «Диуана», «Ҡышҡы йәйғор» төркөмдәренең, артистар Венер Камалов, Гөлсөм Бикбулатова, Гөлдәр Ишҡыуатованың легендар йырҙарын тыңлаусылар ихлас ҡабул итте, ҡушылып йырланы, бейене, ә һуңғы «Ай-һай, Салауат» йырында зал аяғүрә баҫып алҡышланы.

1 из 11

http://www.bashinform.ru/news/1372558-bashkirskie-folk-i-rok-gruppy-nagradili-medalyami-k-100-letiyu-respubliki-/

#рок-музыка

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.