Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Мәҙәниәт
23 Октябрь 2019, 17:25

«Йәшлек-шоу» республика фестивале яңы йырҙар башҡарыусыларҙы саҡыра

Республика халыҡ ижады үҙәгенең матбуғат хеҙмәте
Республика халыҡ ижады үҙәгенең матбуғат хеҙмәте
ӨФӨ, 2019 йыл, 23 октябрь. /«Башинформ» мәғлүмәт агентлығы, Ләйлә Аралбаева/. «Йәшлек-шоу — 2019» республика йәштәр фестиваленә ғаризалар ҡабул итеү башланды. Быйыл фестиваль йәнә иң әүҙем, ижади йәштәрҙе берләштерә һәм иң шау-шыулы, сағыу, дарманлы тамаша булырға вәғәҙәләй, тип хәбәр иттеләр Республика халыҡ ижады үҙәгенән.
Унда эстрада башҡарыусылары – 16-нан алып 27 йәшкәсә солистар һәм төркөмдәр ҡатнаша ала. Ғаризаларҙы 30 октябргә тиклем фестивалдең рәсми почтаһына ебәрергә кәрәк: [email protected].
Ғаризала «тере» тауыш менән башҡорт телендәге йырҙың видеоһы; тултырылған анкета; юғары сифатлы өс фотоһүрәт һәм башҡорт телендә яҙҙырылған әҙер йыр булырға тейеш. Төп шарт – йырҙың бығаса яңғырамауы.
Иң яҡшыларҙы ойоштороусылар командаһы Өфөгә тыңлауға саҡыра. Финалсыларҙың береһе «Бәйләнештә» социаль селтәрендә тамашасыларҙың тауыш биреү юлы менән һайлап алына.
«Йәшлек шоу — 2019» гала-концерты 14 ноябрҙә була. Мәғлүмәт өсөн телефон: 8 (347) 289-65-50. Фестивалдең «Бәйләнештә»ге рәсми төркөмө: https://vk.com/yashlek.show2019.
Башҡортостан Мәҙәниәт министрлығы һәм Республика халыҡ ижады ойошторған сара республиканың күп милләтле йәштәренә рухи-әхлаҡи һәм илһөйәрлек тәрбиәһе биреүгә, уларҙың ижади кимәлен күтәреүгә йүнәлтелгән.
Читайте нас: