«Тамыр» телеканалының ике проекты — «ТЭФИ-Регион» Бөтә Рәсәй телеконкурсы финалсылары

IMPORT Сервисный

ӨФӨ, 2019 йыл, 22 октябрь. /«Башинформ» мәғлүмәт агентлығы/. Ставрополдә «ТЭФИ-Регион» телеконкурсы финалсыларын иғлан иттеләр. Быйыл тотош Рәсәйҙән 120-нән ашыу телекомпания Орфей өсөн көрәшә. Конкурсҡа бөтәһе 500-ҙән артыҡ эш килде, 453-ө ҡатнашыуға рөхсәт алды.

«Тамыр» балалар-үҫмерҙәр телеканалының ике проекты «ТЭФИ-Регион 2019» Бөтә Рәсәй телеконкурсының финалына сыҡты. Республика тамашасылары яратып өлгөргән «Әлләсе» телеуйыны «Күңел асыу программаһы» номинацияһында иң көслө өсәү иҫәбенә инде. Ә «Телевидение һәм тормош: Махсус проект» номинацияһында «Бирешмә!» беренсе балалар премияһы «ТЭФИ-Регион» финалсыһы тип танылды.

«ТЭФИ-Регион»дың изге һуҡмағына «Тамыр» телеканалы 2006 йылда уҡ аяҡ баҫты. Ул саҡта беҙ республикаға «Ҡоралай» фильм-әкиәте өсөн тәүге бронза Орфейҙы алып ҡайттыҡ, — тине «Тамыр» телеканалы директоры Гөлназ Ҡолһарина. — Шул ваҡыттан алып 13-сө йыл беҙҙең өсөн мөһим конкурсҡа киләбеҙ һәм ҙур тулҡынланыу менән көтәбеҙ, еңеү яуларбыҙ тип ышанабыҙ. Һәм яулайбыҙ!».

Үҫмерҙәр өсөн «Әлләсе» тигән башҡорт телендәге яңы телеуйын республикала популярлыҡ яуланы. Уйында ике команда ҡатнаша. Һәр командала дүртәр кеше. Алып барыусы, карта, стилләштерелгән фишкалар, ике комплект карточка. Төп шарты – бер минут эсендә үҙ командаңа һүҙҙәрҙе аңлатыу. Ҡайһы команда Башҡортостандың баш ҡалаһына иң беренселәрҙән барып етә – шул еңеүсе. Команда капитандары – балалар, ҡатнашыусылар – республикала танылыу яулаған йәштәр. Проекттың режиссеры – Әҙилә Һөнәрғолова, мөхәррир – Ләйсән Усманова, рәссамдар – Айгөл Бикбаева һәм Айрат Арыҫланов.

«Бирешмә!» премияһы батырлыҡ һәм әүҙем гражданлыҡ позицияһын күрһәткән, тормоштағы ауыр хәлдәрҙе еңеп сыҡҡан һәм уңышҡа өлгәшкән балаларҙы данлай, уларға рәхмәт белдерә. Премияны үҫмерҙәр — республикала популяр «Бирешмә!» телесериалы геройҙары үҙҙәре уйлап тапҡан. Проекттың режиссеры – Гөлсәсәк Игебаева, башҡарма продюсеры – Гөлшат Ғәлиуллина. Телеканал коллективы киләһе «Бирешмә!». премияһын иғлан итергә әҙерләнә.

http://www.bashinform.ru/news/1369433-dva-proekta-telekanala-tamyr-stali-finalistami-vserossiyskogo-telekonkursa-tefi-region/

#тэфи #телевидение #тамыр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.