Четверг, 30 Апреля 2026

Уфа

+7 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

10:11 (UTC+5), 17 Октября 2019

Өфөлә башҡорт телен һәм әҙәбиәтен һаҡлау, үҫтереү мәсьәләләрен тикшерәләр

Олег Яровиков

IMPORT Сервисный

ӨФӨ, 2019 йыл, 17 октябрь. /«Башинформ» мәғлүмәт агентлығы, Ләйлә Аралбаева/. 23-24 октябрҙә Өфөлә «Глобалләшеү һәм полиэтник мөхит шарттарында башҡорт теле һәм әҙәбиәте: тәжрибә һәм перспективалар» халыҡ-ара ғилми-ғәмәли конференция ойошторола.

Конференция Башҡортостан Башлығының республиканың дәүләт һәм унда йәшәгән халыҡтарҙың телдәрен һаҡлауға һәм үҫтереүгә йүнәлтелгән грантының финанс ярҙамында уҙғарыла. Сараның маҡсаты – башҡорт телен, шулай уҡ глобалләшеү дәүерендә Рәсәй халыҡтары телдәрен һаҡлау, үҫтереү һәм популярлаштырыу буйынса заманса йүнәлештәрҙе һәм фәнни тикшеренеүҙәрҙе, туған һәм дәүләт телдәренә өйрәтеү мәсьәләләрен, фәнни тикшеренеүҙәрҙең һөҙөмтәләрен ҡулланыу тәжрибәһен, милли телдәрҙең корпустарын һәм электрон базаларын әҙерләүҙең көнүҙәк проблемаларын өйрәнеү.

Унда ҡатнашыу өсөн федераль һәм төбәк кимәлендәге дәүләт власы органдары вәкилдәре, Рәсәйҙең Мәскәү, Санкт-Петербург, Екатеринбург, Ҡазан, Ижевск, Һамар, Ырымбур, Якутск ҡалаларынан, шулай уҡ Ҡаҙағстан, Ҡырғыҙстан, Төркиә, Төркмәнстан, Үзбәкстан кеүек яҡын сит илдәрҙән академик учреждениеларҙың тел белгестәре, филологтар һәм юғары уҡыу йорттары уҡытыусылары саҡырылған.

Конференцияла түбәндәге йүнәлештәр буйынса эшләү күҙаллана:

• Глобалләшеү контексында Рәсәйҙең төп халыҡтары телдәре;

• Рәсәй халыҡтары телдәрен һаҡлау һәм үҫтереү буйынса заманса ҡараш һәм фәнни тикшеренеүҙәр;

• Үҫеш перспективалары һәм Рәсәй халыҡтары телдәренә дәүләт, институциональ ярҙам;

• Тел ғилемендә компьютер лингвистикаһы һәм интеллектуаль технологиялар;

• Киң мәғлүмәт сараларында заманса тел процестары;

• Тел тарихы һәм халыҡтың мәҙәни хәтере;

• Полимәҙәни киңлектә фольклор;

• Мәғариф системаһында Рәсәйҙең төп халыҡтары телдәре.

Конференцияла ике түңәрәк өҫтәл үткәреү күҙ уңында тотола:

• Туған һәм дәүләт телдәрен өйрәнеүҙә яңылыҡ (Рәсәй Федерацияһының полиэтник төбәктәре миҫалында);

• Хәҙерге башҡорт теле дәреслеге: концепциялар һәм уларҙы ғәмәлдә ҡулланыу.

Докладтар һәм сығыштар конференцияның эше башланғансы баҫылып сығырға тейеш.

Проектты ойоштороусылар — Башҡортостан Республикаһы Башлығы Хакимиәте, Рәсәй Федерацияһының Фән һәм юғары белем министрлығы, Башҡортостан Республикаһы Хөкүмәте, Рәсәй Фәндәр академияһы, Башҡортостан Мәғариф министрлығы, Рәсәй Фәндәр академияһының Өфө федераль тикшеренеү үҙәге, «Арҡаҙаш» фәнде һәм мәҙәниәтте үҫтереү төбәк йәмәғәт фонды.

http://www.bashinform.ru/news/1367380-v-ufe-obsudyat-problemy-sokhraneniya-i-razvitiya-bashkirskogo-yazyka-i-literatury-/

#фән #башҡорт теле

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.