Вторник, 12 Мая 2026

Уфа

+12 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

11:48 (UTC+5), 04 Октября 2019

Өфөлә Бөтә халыҡ Яҙылыусы көнөндә льготалы яҙылыу декадаһына старт бирелде

Валерий Шахов

IMPORT Сервисный

ӨФӨ, 2019 йыл, 4 октябрь. /«Башинформ» мәғлүмәт агентлығы, Ләйлә Аралбаева/. Өфөлә Бөтә халыҡ матбуғатҡа яҙылыу көнө уҙҙы. Республика һәм ҡала баҫмалары хеҙмәткәрҙәре, гәзит-журнал уҡыусылар, Өфө почтамты вәкилдәре, ҡыҙыҡлы мәҡәлә геройҙары, урындағы киң мәғлүмәт саралары үткәргән конкурс лауреаттары Матбуғат йорто алдындағы майҙанға йыйылды. Һәр баҫма үҙенең продукцияһы менән сағыу стенд әҙерләгәйне.

Бөгөн 2020 йылдың беренсе ярты йыллығына льготалы яҙылыу декадаһы башланды. Һәр яҙылыусы телевизор һәм башҡа бүләктәр уйнатыуҙа ҡатнаша алды.

«Саралар ҡатнашыусыларға, беҙҙең яҙылыусыларға рәхмәт әйткем килә. Рәсәйҙә иң ҙур тираждың беҙҙә булыуына бик шатбыҙ. Бөгөн хатта балалар ҙа килде, уларҙың да беҙҙең баҫмаларға, шул иҫәптән милли телдә нәшер ителгәндәргә яҙылыу мөмкинлеге бар», — тип сәләмләне йыйылыусыларҙы Башҡортостан Республикаһының Матбуғат һәм киң мәғлүмәт саралары агентлығы етәксеһе Борис Мелкоедов.

Акцияның маҡсаты яҙылыу кампанияһына йәмәғәтселектең иғтибарын йәлеп итеү, гәзит-журнал уҡыу традицияһын тергеҙеү ине.

«Яҙылыу кампанияһының башланыуын ҙур байрам менән билдәләү — һәйбәт традиция, сөнки һеҙҙе уҡыусылар күп, улар мәғлүмәт һәм мәҡәләләр көтә. Республика яҙылыу кампанияһының ошондай слоганы бар: «Был фейк түгел». Ысынлап та, республикабыҙ баҫмаларында сыҡҡан мәғлүмәттәргә ышанырға мөмкин», — тип билдәләне Башҡортостан Республикаһы Дәүләт Йыйылышы рәйесе урынбаҫары, Бөтә донъя башҡорттары ҡоролтайы Президиумы рәйесе Эльвира Айытҡолова.

«Башҡортостан Республикаһы» нәшриәт йорто бөгөн төрлө телдәрҙәге һәм халыҡтың төрлө төркөмдәре өсөн 153 баҫманы берләштерә, тип хәбәр итте холдинг етәксеһе Венера Хәкимова. Билдәле артистар: ҡумыҙсы Миңлеғәфүр Зәйнетдинов — «Башҡортостан» гәзите, йырсы Нәзифә Ҡадирова һәм музыкант Ғәли Алтынбаев — «Республика Башкортостан» гәзите, Юнир Һағынбаев – «Шоңҡар» журналы, Рушанна Бабич һәм Александр Кузьменко «Рампа» журналы, Elvin Grеy «VILLI | Вилли» проектынан йәш башҡарыусылар (Вилдан Шәмсетдинов) һәм «Ябай малай» (Йәмил Баймырҙин) «Йәшлек» гәзите менән таныштырҙы. Республика киң мәғлүмәт сараларын дәртләндереү өсөн райондарҙан үҙешмәкәр артистар килде.

Ҡул эштәре һәм халыҡ кәсептәре оҫталары үҙҙәренең әйберҙәренән күргәҙмә-йәрминкә ойошторҙо. Шашка буйынса өс донъя чемпионы — шашка буйынса алты тапҡыр донъя чемпионы Тамара Танһыҡҡужина, Айнур Шәйбәков һәм Айгөл Иҙрисова бер үк ваҡытта бер нисә кеше менән уйнау сеансын үткәрҙе.

13 октябргә тиклем ҡала халҡының һәм ҡунаҡтарының 10% ташлама менән матбуғатҡа яҙылыу мөмкинлеге бар.

http://www.bashinform.ru/news/1362236-v-ufe-na-vsenarodnom-dne-podpischika-byl-dan-start-dekade-lgotnoy-podpiski/

1 из 12

#яҙылыу кампанияһы #киң мәғлүмәт саралары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.