81.14
0
Башҡортостан һәм Өфө яңылыҡтары
92.22
0
67.96
+2.11
18+ °C
Ямғыр
Бөтә яңылыҡтар
Мәҙәниәт
24 Сентябрь 2019, 15:38
Иркутскиҙа Вампилов фестивале Башҡорт драма театрының «Зөләйха күҙҙәрен аса» спектакле менән тамамланды
ӨФӨ, 2019 йыл, 24 сентябрь. /«Башинформ» мәғлүмәт агентлығы/. М.Ғафури исемендәге Башҡорт академия драма театры Иркутскиҙан ҡайтты. Актерҙар һәм ижади төркөм һаман спектаклдәге хәл-ваҡиғалар барған Ангара йылғаһын күреүҙән алған хис-тойғолар тәьҫирендә.
Александр Вампилов исемендәге XII Халыҡ-ара хәҙерге драматургия театр фестивале Н.Охлопков исемендәге Иркутск драма театрында уҙҙы. Фестиваль афишаһында Рәсәй, Франция, Польша, Монголия һәм Израиль спектаклдәре күрһәтелде. Айрат Абушахмановтың Гүзәл Яхинаның «Зөләйха күҙҙәрен аса» романы буйынса спектакле айырым урынды биләне – Вампилов фестивале ошо спектакль менән ябылды. «Зөләйха күҙҙәрен аса» тамашасылар араһында резонанс тыуҙырҙы, спектаклгә билеттар фестиваль башланырҙан бер нисә ай алда һатылып бөттө.
«Иркутскиҙа йәшәүселәр легендар спектакль менән осрашыуҙы түҙемһеҙлек менән көтөүҙәре хаҡында әйтте. Илдең тарихы, олатай-өләсәйҙәре шаһит булған 30-сы йылдарҙағы ҡот осҡос ваҡиғалар тураһында спектаклде ҡарау улар өсөн бик мөһим ине, — тип һөйләне актерҙар. — Тамашасылар спектаклде бер тында, ҡайһы берәүҙәр хатта баҫып ҡараны. Спектакль тамамланғас, режиссерға һәм актерҙарға театр фойеһында, грим бүлмәләрендә әллә күпме ихлас рәхмәт һүҙҙәре яңғыраны».
Театр тәнҡитселәре Павел Руднев һәм Геннадий Тростянецкий спектаклдә ҡатнашыусыларға үҙҙәренең спектакль тураһында фекерҙәрен еткерҙе. Иркутск өлкәһе губернаторы коллективты уңышлы сығыш яһауы менән ҡотланы. Башҡорт драма театрын яңы ҡалалар көтә, «Зөләйха күҙҙәрен аса» фестивалдәрҙә ҡатнашыуын дауам итә.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».