Фәйзи Ғәскәров исемендәге халыҡ бейеүҙәре ансамбле юбилей гастроль турына юллана

IMPORT Сервисный

ӨФӨ, 2019 йыл, 10 сентябрь. /«Башинформ» мәғлүмәт агентлығы, Ләйлә Аралбаева/. Фәйзи Ғәскәров исемендәге дәүләт академия халыҡ бейеүҙәре ансамбле коллективтың 80 йыллығына арналған саралар барышында ҙур гастроль турына юллана. Бөгөн коллектив етәкселеге һәм артистары турға бағышланған матбуғат конференцияһында ошо хаҡта һөйләне.

«Беҙҙе тәүҙә Рәсәйҙең ҙур ҡалалары, һуңынан Башҡортостан буйлап гастролдәр көтә. Ноябрь уртаһында Вьетнам Республикаһына гастролдәр. Финанс тәьминәте бар, һөйләшеүҙәр алып барабыҙ. Киләһе йылдың яҙында һәм йәйендә Ҡытайға, Европаға гастролгә сығабыҙ. Бейеү ансамбле үҙен күрһәтергә тейеш. Милли һәм рус, донъя халыҡтары бейеүҙәрен башҡарған ошондай уникаль коллективтар күп түгел», — тип хәбәр итте ансамбль директоры Алмаз Сәйетов.

80-се ижад миҙгелендә ансамбль Мәскәүҙә һәм Рәсәй ҡалаларында үҙенең концерттары менән сығыш яһай:

18 сентябрь — Мәскәү, П.И.Чайковский исемендәге концерт залы

22 сентябрь — Тверь, «Пролетарка» мәҙәниәт йорто

23 сентябрь — Бөйөк Новгород, Ф.М.Достоевский исемендәге Новгород академия драма театры

25 сентябрь — Санкт-Петербург, «Октябрьский» ҙур концерт залы

27 сентябрь — Түбәнге Новгород, Кремль концерт залы.

Гастроль турына 90 кеше бара, шуларҙан 30 пар бейеүсе, шулай уҡ коллектив оркестры.

Мәскәүҙәге концерт иң әһәмиәтле ваҡиғаларҙың береһе булып тора. Быйыл ансамбль илебеҙҙең баш ҡалаһы сәхнәһендә Ғәскәров мираҫының алтын фондындағы бейеүҙәр менән сығыш яһай: «Зарифа», «Гөлнәзирә», «Өс туған», «Ете ҡыҙ», биҙрәләр менән бейеү, татар бейеүе «Бесәнселәр». Тамашасыларға шулай уҡ Хашим Мостаевтың «Сәскә ат, ҡурай», Риф Ғәбитовтың «Тархан»дар, Айҙар Зөбәйҙуллиндың «Башҡортостан йәшлеге», Рәис Низаметдиновтың «Ете ырыу», Марат Кәримовтың «Салауат» бейеүҙәре тәҡдим ителә.

Мәскәү тамашасыһын 2019 йылдың премьераһы — Алексей Шишкиндың «Русь» ҡуйылышы көтә. Был ҡуйылыш Өфө тамашасыларының ыңғай баһаһын алып өлгөрҙө лә инде.

«Мәскәү тамашасыһы бик тәжрибәле, улар ысынды ғына күреп өйрәнгән. Нисә тапҡыр барҙыҡ, әле бер тапҡыр ҙа һынатманыҡ. «Ете ҡыҙ»ыбыҙ сәхнәгә сыҡһа, тамашасылар ҡул саба башлай. Донъя халыҡтары бейеүҙәрен башҡарғанда зал тынып ҡала. Аҙаҡтан тамашасылар һәр саҡ аяғүрә баҫып алҡышлай. Әле коллективта йәштәр күп. Беҙ юғары профессиональ кимәлдә сығыш яһарға тырышырбыҙ», — ти репетитор, Рәсәйҙең атҡаҙанған артисы, Башҡортостандың халыҡ артисы Гүзәл Абсатарова.

Ансамблдең 10 йылдан ашыу Санкт-Петербургта булғаны юҡ, ансамблдең юбилейы уңайынан коллектив төньяҡ баш ҡалаға саҡырылған. Проектты ойоштороусы — Сергей Дягилев исемендәге Халыҡ-ара мәҙәни үҙәк.

http://www.bashinform.ru/news/1352066-ansambl-narodnogo-tantsa-im-fayzi-gaskarova-vyezzhaet-v-yubileynyy-gastrolnyy-tur/

#ғәскәров исемендәге ансамбль #бейеү

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.