92.05
+0.27
Башҡортостан һәм Өфө яңылыҡтары
98.64
+0.62
83.57
-0.1
6+ °C
Болотло
Бөтә яңылыҡтар
Мәҙәниәт
29 Август 2019, 13:20
Республикала йәшәүселәрҙе 112-се Башҡорт атлы дивизияһы яугирҙәре тураһында материалдар менән бүлешергә саҡыралар
«Башинформ» мәғлүмәт агентлығы
ӨФӨ, 2019 йыл, 29 август. /«Башинформ» мәғлүмәт агентлығы, Ләйлә Аралбаева/. 1941-1945 йылдарҙағы Бөйөк Ватан һуғышында Еңеүҙең 75 йыллығын билдәләүгә әҙерлек барышында «Шайморатов вариҫтары» халыҡ акцияһы уҙғарыла.
Акция ваҡытында 112-се Башҡорт атлы дивизияһы яугирҙәре хаҡында биографик мәғлүмәттәрҙең тулы исемлеген йыйыу күҙ уңында тотола. Республикала йәшәүселәрҙе музей, мәктәп, ғаилә архивтарында һаҡланған мәғлүмәт менән бүлешергә саҡыралар.
«Проект Бөйөк Ватан һуғышында ҡатнашыусылар, легендар 112-се Башҡорт кавалерия дивизияһы яугирҙәре — шайморатовсылар тураһында хәтерҙе мәңгеләштереүгә йүнәлтелгән. Дивизияның тәүге яугирҙәренең биографик мәғлүмәттәрен йыйыу, уларҙың хәтерен мәңгеләштереү эше алып барылмаған, дивизияның беренсе 3823 яугире исемлеге һаманғаса юҡ», — тип хәбәр итте проектты ойоштороусылар.
Йыйылған материалдар буйынса «Шайморатовсылар — легендар 112-се Башҡорт атлы дивизияһы яугирҙәре» биографик белешмәһен баҫтырып сығарыу күҙаллана. Бынан тыш, проект барышында Башҡорт атлы дивизияһы яугирҙәре иҫтәлегенә уларҙың тыуған яғында — мәктәптәрҙә, музейҙарҙа мемориаль таҡтаташтар, стендтар ҡуйыла, Рәсәй, Бойондороҡһоҙ Дәүләттәр Берләшмәһе илдәре менән телекүперҙәр, телерадиомарафондар ойошторола.
Шулай уҡ республика буйлап авто- һәм ат ярышы, өҫтәүенә 9 майҙа «Үлемһеҙ полк» акцияһында Башҡорт атлы дивизияһы вариҫтарының айырым отрядын йыйыу күҙаллана.
Анкеталар «Бәйләнештә» һәм Бөтә донъя башҡорттары ҡоролтайы сайтында урынлаштырылған. Тултырылған анкеталарҙы [email protected] электрон адресына йәки почта аша ебәрергә кәрәк: 450015, Өфө, Революция урамы, 43, Бөтә донъя башҡорттары ҡоролтайы («Шайморатовсылар» акцияһы).
Проектты ойоштороусылар — Бөтә донъя башҡорттары ҡоролтайы, Башҡортостан Республикаһы Хөкүмәте, республика райондары һәм ҡалалары хакимиәттәре, Милли музей, Хәрби дан музейы, йәмәғәт, ирекмәндәр һәм милли-мәҙәни ойошмалар.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».