92.13
-0.37
Башҡортостан һәм Өфө яңылыҡтары
98.71
-0.2
87.8
-0.1
9+ °C
Болотло
Бөтә яңылыҡтар
Мәҙәниәт
19 Август 2019, 13:09
Республикала тәүге тапҡыр «Туймазы-фест» этнофестивале уҙҙы
Туймазы районының мәҙәниәт бүлеге
ӨФӨ, 2019 йыл, 19 август. /«Башинформ» мәғлүмәт агентлығы, Ләйлә Аралбаева/. Туймазы ҡалаһының мәҙәниәт һәм ял паркында I «Туймазы-фест» асыҡ этнофестивале уҙҙы. Сара 2020 йылғы Бөтә донъя фольклориадаһына һәм Башҡортостостан Республикаһы ойошторолоуҙың 100 йыллығына арналды.
Парк амфитеатрында Туймазы районында йәшәгән төрлө халыҡтарҙың: башҡорт, рус, татар, сыуаш, украиндарҙың ижади коллективтары-вәкилдәре туған телендә сәләмләү һәм концерт номеры менән сығыш яһаны. «Туймазы-фест» этнофестиваленә күрше райондарҙан — Шаран районынан мариҙар, Октябрьский ҡалаһынан башҡорттар һәм татарҙар ҙа ҡушылды.
Парк биләмәһендә ҙур этно-күргәҙмә ойошторолдо, унда Туймазы районы, шулай уҡ Өфө һәм Октябрьский ҡалалары, Дәүләкән, Шаран райондары биҙәү-ҡулланма сәнғәте оҫталарының эштәре тәҡдим ителде.
Ҡала халҡы азербайжан һәм үзбәк-тажик милли аш-һыуынан ауыҙ итте. Тирмән янында башҡорт тирмәһе ҡоролдо һәм «Шәжәрә» күргәҙмәһе эшләне.
«Туймазы-фест» этнофестивале барышында Туймазы районы хакимиәте мәҙәниәт хеҙмәткәрҙәренә «Башҡортостан Республикаһы ойошторолоуҙың 100 йыллығы» юбилей миҙалдарын тапшырҙы.
«Ошо изге байрамда ҡатнашыусылар төрлө халыҡтарҙың йолалары һәм ғөрөф-ғәҙәттәре менән ихлас ҡыҙыҡһынды. Этнофестивалдең маҡсатына — Туймазы районында һәм Башҡортостанда дуҫ, татыу йәшәгән халыҡтарҙың фольклорын, музыкаль мәҙәниәтен, йыр-бейеү сәнғәтен популярлаштырыуға өлгәштек», — тип һөйләне Туймазы районының мәҙәниәт бүлеге етәксеһе Рамзин Әпсәләмов.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».