Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Мәҙәниәт
17 Июль 2019, 14:13

Өфөнөң «Мираҫ» йыр һәм бейеү ансамбле Болгарияла халыҡ-ара фестивалдәрҙә ҡатнашасаҡ

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2019 йыл, 17 июль. /«Башинформ» мәғлүмәт агентлығы/.
«Мираҫ» халыҡ-ара проекттарҙа күп тапҡыр ҡатнашҡан һәм Рәсәй менән Башҡортостан данын күп тапҡыр яҡлаған. «Велико Тырново» ХХII Халыҡ-ара фольклор фестивалендә һәм «Варна» ХХVIII Халыҡ-ара фольклор фестивалендә ижади коллектив иң сағыу номерҙары менән сығыш яһарға әҙерләнә.
Шулай итеп «Мираҫ» тамашасыларға башҡорт һәм рус мәҙәниәтен тәҡдим итәсәк, ансамблдең оркестры халыҡ инструменттарының күп төрлөлөгөн күрһәтәсәк. Артистар ике сараның да төп шартын үтәп – фонограммаһыҙ музыка башҡарып сығыш яһаясаҡ.
Белешмә
«Велико Тырново» ХХII Халыҡ-ара фольклор фестивале — 1998 йылдан бирле боронғо баш ҡаланың мәҙәни тормошонда оло сара булып тора. Үҙенең башланғанынан бирле фестивалде CIOFF Халыҡ-ара традицион сәнғәт һәм фольклор фестивалдәре ойошмаларының халыҡ-ара советы үткәрә.
Велико-Тырново Болгарияның боронғо баш ҡалаһы булып тора. Унда йыл һайын донъяның иң яҡшы музыкаль һәм бейеү фольклор ансамблдәре йыйыла һәм оло фольклор фиестаһында ҡатнаша. Быйыл унда Аргентина, Египет, Көньяҡ Африка, Ҡытай, Колумбия, Панама, Рәсәй һәм Болгария артистары йыйыласаҡ.
Читайте нас: