Пятница, 29 Мая 2026

Уфа

+10 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

11:40 (UTC+5), 28 Июня 2019

Өфөлә башҡорт шағиры һәм йәмәғәт эшмәкәре Шәйехзада Бабичҡа һәйкәл асылды

Олег Яровиков

IMPORT Сервисный

ӨФӨ, 2019 йыл, 28 июнь. /«Башинформ» мәғлүмәт агентлығы/. Бөгөн, 28 июндә, Өфөлә күренекле шағир һәм йәмәғәт эшмәкәре Шәйехзада Бабичҡа һәйкәл асылды. Шағирға һәйкәл ҡуйыу Башҡортостан Республикаһы ойошторолоуҙың 100 йыллығына арналған саралар программаһы сиктәрендә планлаштырылғайны. Шуға күрә уны асыу тантанаһын V Бөтә донъя башҡорттары ҡоролтайына тап килтерергә хәл ителде.

Бронзанан ҡойолған алты метрлыҡ Бабич һыны Зәки Вәлиди урамында, Телеүҙәк алдында тора. Уны ҡуйыу урыны осраҡлы һайланмаған, шағир үҙенең көрәштәше Зәки Вәлиди урамында өфөләрҙе һәм баш ҡала ҡунаҡтарын «ҡаршы алып» торор.

Ижади концепцияны Башҡортостандың халыҡ шағиры Мостай Кәрим һәйкәле авторы булараҡ билдәле скульптор, Рәсәйҙең халыҡ рәссамы Андрей Ковальчук тормошҡа ашырған.

«Бына бер нисә йыл инде Өфөлә эшләйем һәм минең һәр эшем — тормошта эҙ. Рәссамға теге йәки был заман һулышына тап килгән образ тыуҙырыу мөһим. Шәйехзада Бабич образы менән дә шулай булды. Әлбиттә, уның фажиғәле яҙмышы бер кемде лә битараф ҡалдыра алмай. Үҙ халҡының идеалдары өсөн йәнен фиҙа ҡылған йәш шағирҙы онотмаҫҡа һәм уның менән ғорурланырға кәрәк», — тип билдәләне Андрей Ковальчук.

Бабич һәйкәлен асыу унда ҡатнашыусылар өсөн быуындар осрашыуы булды тиергә мөмкин. Республика етәкселеге вәкилдәре, Башҡорт ҡоролтайы аҡһаҡалдары, билдәле йәмәғәт эшмәкәрҙәре менән бергә тантанала студенттар, әүҙем йәштәр, эргә-тирәләге йорттарҙа йәшәүселәр ҡатнашты.

Шәйехзада Бабичҡа һәйкәл асыу — республикабыҙ өсөн әһәмиәтле ваҡиға, тип билдәләне үҙ сығышында Башҡортостан Башлығы вазифаһын ваҡытлыса башҡарыусы Радий Хәбиров.

«Хәҙер Башҡортостан бөтә донъя менән осрашҡан төп конгресс майҙансығында шағир һыны тора. Ул беҙҙе тотош республикабыҙ һәм уның күп милләтле халҡының мәнфәғәте өсөн изге эштәргә дәртләндерер. Бөгөн мин Бөтә донъя башҡорттары ҡоролтайына көсөбөҙҙө берләштерергә, тыуған төйәгебеҙҙе нығытыуҙа мөһим аҙымдар яһарға тигән тәҡдим индерҙем. Йөҙ йыл элек Шәйехзада Бабич тап ошондай көслө һәм берҙәм Башҡортостан өсөн ғүмерен биргән дә инде. Бабич ғәҙелһеҙлекте фашлаған талантлы һүҙ оҫтаһы булып халыҡ хәтерендә ҡалған. Беҙҙең, уның тоҡомдары өсөн Бабич тауышы әүәлгесә йөрәгебеҙҙә яңғырай һәм беҙ Башҡортостандың шәп ул-ҡыҙҙарының эшен лайыҡлы дауам итеү өсөн барыһын да эшләрбеҙ! Беҙ бергә! Алға, Башҡортостан!», — тине республика етәксеһе, тантанала ҡатнашыусыларға мөрәжәғәт итеп.

Яңы арт-объект башҡорт халҡының бөйөк улының хәтерен һаҡлау буйынса комплекслы эштең дауамы булды.

1 из 9

http://www.bashinform.ru/news/1324762-v-ufe-otkryli-pamyatnik-bashkirskomu-poetu-i-obshchestvennomu-deyatelyu-shaykhzade-babichu/

#бөтә донъя башҡорттары ҡоролтайы #шәйехзада бабич #һәйкәл асыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.