«Әй ауазы» халыҡ-ара ҡумыҙсылар һәм өзләүселәр конкурсы йомғаҡ яһаны

IMPORT Сервисный

ӨФӨ, 2019 йыл, 21 июнь. /«Башинформ» мәғлүмәт агентлығы, Ләйлә Аралбаева/. 19-20 июндә Мәсетле районының Оло Ыҡтамаҡ ауылында Башҡортостан Республикаһы ойошторолоуҙың 100 йыллығына бағышланған VII «Әй ауазы» халыҡ-ара ҡумыҙсылар һәм өзләүселәр конкурсы уҙҙы.

Гран-приҙы Благовар районынан Илмир Ҡоҙабаев яуланы. Конкурсҡа нигеҙ һалған Роберт Заһретдиновтың ҡыҙы Айһылыу Заһретдинова үҙенең бүләген – көмөш ҡумыҙҙы Баймаҡ районынан Байрас Ғафуровҡа тапшырҙы.

Мәсетле районы хакимиәтенән хәбәр итеүҙәренсә, быйыл байрамда Алтай Республикаһынан, Татарстандан, Кемерово, Свердловск, Һамар өлкәләренән, Мәскәү, Силәбе, Межгорье, Салауат, Сибай, Өфө ҡалаларынан, Әбйәлил, Әлшәй, Баймаҡ, Балаҡатай, Белорет, Бишбүләк, Благовар, Ғафури, Ейәнсура, Ишембай, Ҡырмыҫҡалы, Мәсетле, Салауат, Өфө, Учалы райондарынан 46 солист һәм 19 ансамбль ҡатнашты.

Конкурсанттарҙы Башҡортостандың атҡаҙанған мҙәниәт хеҙмәткәре, «Донъяның виртуоз ҡумыҙсыһы» халыҡ-ара конкурсы лауреаты Миңлеғәфүр Зәйнетдинов рәйеслегендәге жюри баһаланы. Профессиональ жюри бер тауыштан йылдан-йыл ҡатнашыусыларҙы баһалау ҡатмарлыраҡ булыуын, башҡарыусыларҙың оҫталығы арта барыуын, быйыл бигерәк тә һәләтле балаларҙың шатландырыуын билдәләне.

Оло Ыҡтамаҡ ауылы Мәҙәниәт йортонда уҙған гала-концертты 2017 йылда Халыҡ-ара фестивалдең Гран-прийын алған Заһир Зәйнетдинов – Zainetdin асты. Халыҡ-ара конкурсты ябыу тантанаһында Башҡортостандың мәҙәниәт министры Әминә Шафиҡова ҡатнашты. Ул мәсетлеләргә башҡорт халҡының рухи мәҙәниәтен һаҡлағаны һәм ҡумыҙҙа уйнауҙы, өзләүҙе популярлаштырғаны өсөн рәхмәт белдерҙе

Ҡумыҙсылар һәм өзләүселәр конкурсы 2007 йылдан алып уҙғарыла. Уға бөтөн донъяға билдәле виртуоз-ҡумыҙсы Роберт Заһретдинов башланғыс һалған. Ойоштороусылары – Мәсетле районы хакимиәте, Мәҙәниәт министрлығы, Республика халыҡ ижады үҙәге.

http://www.bashinform.ru/news/1322401-mezhdunarodnyy-konkurs-kubyzistov-i-ispolniteley-gorlovogo-peniya-golos-aya-podvel-itogi/

#халыҡ ижады #фестивалдәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.