82.3
-0.47
Башҡортостан һәм Өфө яңылыҡтары
93.68
-0.48
65.27
+0.6
18+ °C
Ясна
Бөтә яңылыҡтар
Мәҙәниәт
14 Июнь 2019, 10:27
Өфөлә «Евразия йөрәге» фестивале барышында «Беренсе бал» проектының премьераһы уҙҙы
Георгий Шишкин
ӨФӨ, 2019 йыл, 14 июнь. /«Башинформ» мәғлүмәт агентлығы, Ләйлә Аралбаева/. Өфөлә «Евразия йөрәге» фестивале барышында «Беренсе бал» проектының премьераһы уҙҙы. Бының өсөн Өфө амфитеатры үҙәгендә махсус майҙансыҡ әҙерләнгәйне.
Ижади коллективтарҙың ҡатнашыусылары, көндөң һалҡын булыуына ҡарамаҫтан, сағыу костюмдарҙа сығып, З.Исмәғилев исемендәге Өфө дәүләт сәнғәт институтының Йәштәр оркестры башҡарған көйҙәргә бейене. Коллективҡа Линар Дәүләтбаев дирижерлыҡ итте.
«Әҙерләнергә ваҡыт күп булмаһа, коллективтар ҡатнашырға ризалашты. Шулай күп кеше йыйылыр тип уйламағайныҡ. Улар һоҡланғыс, бөтәһенә лә билдәле коллективтар: «Триумф», Ҡала мәҙәниәт һарайы, «Башҡортостан» дәүләт концерт залы ансамблдәре, — тине режиссер Вера Прыжанкова. — Һуңғы ваҡытта төрлө ҡалаларҙа балдар бик популяр. Беҙҙә йыл һайын Яҙғы бал уҙғарыла, өсөнсө гимназия Мария балын ойоштора. Бөгөнгө бал үҙенсәлекле — ул асыҡ һауала симфоник оркестр менән бергә үткәрелә».
Ҡатнашыусыларҙың дөйөм һаны 650 кешегә етте. Эске эштәр министрлығының Юридик институтынан балға 100 курсант, Өфө дәүләт авиация техник университетының хәрби кафедраһынан студенттар килде.
Хореограф — «Башҡортостан» дәүләт концерт залынан Александр Родионов, балды Ҡала мәҙәниәт һарайынан Ашот Бабаджанов үткәрҙе. Режиссер билдәләүенсә, был уның өсөн тәүге тәжрибә булды.
«Беренсе бал»дың аҙағында тамашасыларға артистарға ҡушылып бейергә тәҡдим ителде. Өфөләрҙең күбеһе перфоманста ҙур теләк менән ҡатнашты. Ләкин дәртләнеп киткәндәргә бер бейеү генә етмәне. Ойоштороусылар киләсәктә быны иҫәпкә алырға һәм интерактив өлөштө оҙағыраҡ дауам итергә вәғәҙә бирҙе.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».