93.25
-0.19
Башҡортостан һәм Өфө яңылыҡтары
99.36
-0.21
87.18
+0.18
26+ °C
Болотло
Бөтә яңылыҡтар
Мәҙәниәт
6 Июнь 2019, 15:02
Республикала Рәсәй Президенты грантына ҡумыҙсылар һәм өзләүселәр конкурсы ойошторола
ӨФӨ, 2019 йыл, 6 июнь. /«Башинформ» мәғлүмәт агентлығы, Ләйлә Аралбаева/. 19-20 июндә Башҡортостанда «Әй ауазы» төбәк-ара ҡумыҙсылар һәм өзләүселәр конкурсы ойошторола. Сара Рәсәй Президенты грантына уҙғарыла. Ул башҡорт халыҡ уйын ҡоралдарында уйнау традицияларын һаҡлауға, тергеҙеүгә һәм артабан үҫтереүгә, һәләтле башҡарыусыларҙы асыҡлауға йүнәлтелгән.
Конкурс Башҡортостан Республикаһының 100 йыллығына бағышланған. Ижади бәйге, ғәҙәттәгесә, Мәсетле районының Оло Ыҡтамаҡ ауылында була.
Республика халыҡ ижады үҙәгенең матбуғат хеҙмәтенән хәбәр итеүҙәренсә, ҡатнашыуға өзләүселәр, ҡумыҙсылар, шулай уҡ ҡумыҙсылар ансамблдәре саҡырыла. Конкурс ике турҙа, ике йәш категорияһында бара: 16 йәшкәсә һәм 16 йәштән өлкән.
Конкурс барышында жюри ағзалары — күренекле мәҙәниәт эшмәкәрҙәре, сәнғәт оҫталары ҡатнашлығында түңәрәк өҫтәл ойошторола. Төбәк-ара ҡумыҙсылар һәм өзләүселәр конкурсының иң оҫта башҡарыусылары, шулай уҡ сара ҡунаҡтары менән тантаналы концерт көтөлә.
Төбәк-ара ҡумыҙсылар һәм өзләүселәр конкурсы — Башҡортостанда ғына түгел, унан ситтә лә әһәмиәтле сараларҙың береһе. Төрлө йылдарҙа конкурс Саха (Яҡут), Татарстан, Хакасия республикаларынан, Пермь, Һамар һәм Свердловск өлкәләренән башҡарыусыларҙы йыйҙы.
Ойоштороусылар – Башҡортостандың Мәҙәниәт министрлығы, Республика халыҡ ижады үҙәге, Мәсетле районы хакимиәте.
Ғаризалар 10 июнгә тиклем ҡабул ителә. Адресы: 452550, Мәсетле районы, Оло Ыҡтамаҡ ауылы, Ленин урамы, 19, район мәҙәниәт йорто, e-mail: [email protected], Худякова Лариса, тел. (34770) 2-10-94; 450103, Өфө ҡалаһы, Зәйнәб Биишева урамы, 17/2, Республика халыҡ ижады үҙәге, e-mail: [email protected], Йыһангирова Элита, тел./факс 8 (347) 289-65-50.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».