Тамара Ғәниева — Башҡортостандың халыҡ шағиры

ӨФӨ, 2019 йыл, 28 май. /«Башинформ» мәғлүмәт агентлығы, Ләйлә Аралбаева/. Тамара Ғәниева Башҡортостандың 17-се халыҡ шағиры исеменә лайыҡ булды. Бөгөн Ауыл хужалығы министрлығының Колонналар залында республика Башлығы вазифаһын ваҡытлыса башҡарыусы уға ошо абруйлы исемде тапшырҙы.

«Бөгөн был залға йәнә башҡаларға оҡшамаған, сағыу шәхестәр йыйылды. Улар үҙҙәренең намыҫлы хеҙмәте, таланты менән тормошобоҙҙо йәмләй, Башҡортостанды илебеҙҙең иң уңышлы, көслө төбәктәренең береһе яһай. Бер быуатлыҡ юбилейын билдәләгән республиканың бөтә тарихы — уңыштар, хеҙмәт ҡаҙаныштары йылъяҙмаһы ул», — тине, бүләкләү тантанаһын башлап, Радий Хәбиров.

Тамара Ғәниева (Ғәниева Тимербикә Әхмәтшәриф ҡыҙы) 1951 йылда Башҡортостандың Көйөргәҙе районында тыуған. Шағир, тәржемәсе һәм драматург. Бик күп шиғри йыйынтыҡтар авторы. Башҡортостан Республикаһының атҡаҙанған мәҙәниәт хеҙмәткәре. Рәсәйҙең һәм Башҡортостандың Яҙыусылар берекмәһе ағзаһы. Рәми Ғарипов (1998), Фәтих Кәрим исемендәге (2004), Баязит Бикбай (2013) премияһы лауреаты. Мәхмүт Ҡашғари исемендәге Халыҡ-ара хикәйәләр конкурсы лауреаты (2014). Башҡорт теленә иң яҡшы художестволы тәржемә өсөн «Һүҙҙәрҙе бәйләүсе еп» Бөтә Рәсәй әҙәби премияһы лауреаты (2016).

«Шағирҙың аҡылы, күңеле һәм туған теленән башҡа эш ҡоралы юҡ. Туған телгә иғтибарлы мөнәсәбәтегеҙ өсөн һеҙгә, Радий Фәрит улы, рәхмәтемде еткерәм. Ғүмеремде туған тел ярҙамында һүҙ сәнғәтен булдырыуға арнаным. Туған телебеҙгә, тыуған Башҡортостаныбыҙға һөйөүегеҙ өсөн рәхмәт һеҙгә!» — тине Тамара Ғәниева, награданы ҡабул итеп.

http://www.bashinform.ru/news/1313030-tamara-ganieva-stala-narodnym-poetom-bashkortostana/

Теги:әҙәбиәт бүләкләү

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».