Республика ҡурай байрамының төп бүләген Сибайҙан Шамил Күсәмишев яуланы

Октябрьский ҡалаһы хакимиәте

ӨФӨ, 2019 йыл, 20 май. /«Башинформ» мәғлүмәт агентлығы/. 18-19 майҙа республика ҡурайсылары йәнә Октябрьский ҡалаһына йыйылды. Ошо көндәрҙә бында XIX Республика ҡурай байрамы уҙҙы. Төп бүләккә — автомобилгә Сибайҙан Шамил Күсәмишев лайыҡ булды.

Шулай уҡ беренсе урын алған конкурс еңеүселәре:

— «16 йәшкәсә ансамблдәр» категорияһында — «Аманат» өлгөлө ҡурайсылар ансамбле, Благовещен ҡалаһы;

— «16 йәштән өлкән ансамблдәр» категорияһында — ҡурайсылар ансамбле, Белорет ҡалаһы;

— «12 йәшкә тиклемге солистар» категорияһында — Хәким Ғилманов, Өфө;

— «12-нән 16 йәшкәсә тиклемге солистар» категорияһында — Радмир Ғүмәров, Туймазы ҡалаһы;

— «16 йәштән өлкән солистар» категорияһында — Айрат Ҡарасов, Өфө һәм Динар Абдуллин, Стәрлетамаҡ ҡалаһы.

Октябрьский ҡалаһы хакимиәте мәғлүмәте буйынса, быйыл ҡурай байрамына һәм уның барышында уҙғарылған «Байға 2019» конкурсына республиканың 10 ҡалаһынан һәм 19 районынан 324 ҡурайсы, шулай уҡ Силәбе һәм Ҡурған өлкәләре вәкилдәре килде.

Байрам аҙағында Октябрьский музыка колледжы залында конкурс еңеүселәренең һәм финалсыларының ҙур гала-концерты булды. Еңеүселәрҙе бүләкләү тантанаһы ла шунда үтте. XIX Республика ҡурай байрамының абруйлы ҡунағы — мәҙәниәт министры Әминә Шафиҡова конкурста ҡатнашыусыларҙың барыһына ла рәхмәт белдерҙе.

«Һеҙ бөтәгеҙ ҙә еңеүсе!», — тине министр.

Октябрьский хакимиәте башлығы Алексей Шмелев та сарала ҡатншыусыларға сәләмләү һүҙен еткерҙе һәм быйыл ҡурай байрамының билдәле датаға — Башҡортостандың 100 йыллығына бағышланыуын билдәләне.

http://www.bashinform.ru/news/1309690-glavnyy-priz-respublikanskogo-prazdnika-kuraya-avtomobil-uvez-shamil-kusyamishev-iz-sibaya/

#республика ҡурай байрамы #байға 2019

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.