81.14
0
Башҡортостан һәм Өфө яңылыҡтары
92.22
0
67.96
+2.11
22+ °C
Ясна
Бөтә яңылыҡтар
Мәҙәниәт
15 Май 2019, 18:35
Өфөлә һәм Мәскәүҙә Мостай Кәримдең 100 йыллығына арналған маркаға мисәт һуғыу тантанаһы уҙҙы
автор
ӨФӨ, 2019 йыл, 15 май. /«Башинформ» мәғлүмәт агентлығы, Ләйлә Аралбаева/. Бөгөн Өфөлә, Үҙәк почтамтта, Башҡортостандың халыҡ шағиры, яҙыусы, драматург, публицист, ижтимағи-сәйәси эшмәкәр Мостай Кәримдең 100 йыллығына арналған маркаға мисәт һуғыу тантанаһы булды.
Юбилей маркаһы махсус почта мисәте һәм халыҡ шағирының тыуыуына 100 йыл тулыуға бағышланған конверт менән бер үк ваҡытта сығарылған. Почта маркаһында Мостай Кәримдең портреты төшөрөлгән. Билдәләнгән дата менән махсус мисәт тик бер көн – 15 майҙа ғына ғәмәлдә.
Өфөнән тыш, ошондай тантана Мәскәүҙә һәм Санкт-Петербургта ла үтте – был ҡалалар өсөн махсус мисәттәр айырым әҙерләнгәйне. Мәскәү менән телекүпер ойошторолдо. Онлайн режимында Өфөлә һәм Мәскәүҙә мисәт һуғыу тантанаһы бер үк ваҡытта уҙҙы. Өфө почтамты һәм Мәскәүҙең Әҙәбиәтселәр йорто араһында ҡуйылған телекүпер ярҙамында сарала ҡатнашыусыларҙың бер-береһе менән аралашыу мөмкинлеге булды.
Өфөләге сарала Мостай Кәримдең ҡыҙы – Әлфиә Кәримова, Башҡортостандың мәҙәниәт министры Әминә Шафиҡова, Матбуғат һәм киң мәғлүмәт саралары агентлығы етәксеһе Борис Мелкоедов, Өфө мэры Өлфәт Мостафин, Федераль почта элемтәһе идаралығы директоры Ирек Ғәлимов ҡатнашты. Уларға тәүгеләрҙән булып почта продукцияһына мисәт һуғыу хоҡуғы бирелде.
«Атайым хәрби хеҙмәтен хәүефле элемтәсе һөнәренән башлаған. Ул артдивизиондың элемтә начальнигы булған. Атайым, 20 октябрҙә — Элемтәселәр көнөндә тыуған, — тип һөйләне Әлфиә Мостай ҡыҙы. — Үҙенең ижады менән төрлө кешеләр — матурлыҡ, әҙәбиәт, китап һөйөүселәр араһында бәйләнештәр булдырҙы».
Мәскәүҙәге тантанала Башҡортостандың Рәсәй Президенты ҡарамағындағы Тулы хоҡуҡлы вәкиле вазифаһын башҡарыусы, Башҡортостан Хөкүмәте вице-премьеры Роман Симандуев, Мостай Кәрим исемендәге фондты ойоштороусы Тимербулат Кәримов, Рәсәй почтаһының генераль директоры Николай Подгузов һәм башҡа абруйлы ҡунаҡтар ҡатнашты.
Рәсәйҙең почта бүлексәләренә килгән марканың тиражы 128 мең дана тәшкил итә.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».