Башҡортостан һәм Өфө яңылыҡтары
92.75
0
100.44
0
81.68
-1.99
-24 °C
Болотло
Бөтә яңылыҡтар
Мәҙәниәт
7 Май 2019, 12:38

9 майҙа тәүлек буйына Мостай Кәримдең шиғырҙарын һөйләйҙәр

ӨФӨ, 2019 йыл, 7 май. /«Башинформ» мәғлүмәт агентлығы, Ләйлә Аралбаева/. Өфөләр Бөтә Рәсәй флешмобын башлай. 9 майҙа Еңеү көнө хөрмәтенә акцияла ҡатнашыусылар тәүлек буйына Башҡортостандың халыҡ шағиры Мостай Кәримдең шиғри әҫәрҙәрен уҡый.
Флешмобта һәр кем ҡатнаша ала. 9 майҙа Facebook социаль селтәрендә Өфөнөң «Оперение/ХАХАЧУ» ижади үҫеш студияһы төркөмөндә Мостай Кәримдең һуғыш тураһында шиғырын һөйләп яҙҙырылған видео ҡалдырырға мөмкин.
Ойоштороусылар булып Өфөнөң Константин Хабенский нигеҙ һалған «Оперение/ХАХАЧУ» ижади үҫеш студияһы сығыш яһай.
«Республиканың һәм Мәскәүҙең билдәле мәҙәниәт эшмәкәрҙәре яратҡан шағирыбыҙ Мостай Кәримдең шиғырҙарын уҡый. Ошо йылдарҙың ауырлығын үҙ иңендә татыған кешенең һуғышҡа арнап яҙылған шиғырҙарын һөйләй. Беҙ баһаларға, репостарға, лайктарға, ниәтебеҙҙе хуплауҙарына өмөтләнәбеҙ, сөнки быны оноторға ярамай», — ти студия етәксеһе Гүзәл Абушахманова.
Читайте нас в