Среда, 21 Октября 2026

Уфа

+5 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Мәҙәниәт

12:28 (UTC+5), 24 Апреля 2019

Өфөлә яҙыусы Илгиз Кәримов иҫтәлегенә «Йәләлетдин атай» спектакле күрһәтелде

автор

ӨФӨ, 2019 йыл, 24 апрель. /«Башинформ» мәғлүмәт агентлығы, Ләйлә Аралбаева/. Өфөлә яҙыусы һәм тәржемәсе, Мостай Кәримдең улы Илгиз Кәримовтың Хәтер кисәһе уҙҙы. Ул 40 көн элек, 14 мартта, 77 йәшендә донъя ҡуйҙы. Илгиз Кәримовтың әҙәби эшмәкәрлеге атаһының ижады менән тығыҙ бәйле булды, тап уның тәржемәләре аша илдең төрлө халыҡтары башҡорт әҙәбиәте классигы Мостай Кәримдең әҫәрҙәре менән танышты.

Мостай Кәрим исемендәге Милли йәштәр театрына республика Башлығы вазифаһын ваҡытлыса башҡарыусы Радий Хәбиров һәм уның хәләл ефете, һеңлеһе Әлфиә Кәримова, Мостай Кәрим исемендәге фондты ойоштороусы Тимербулат Кәримов, коллегалары, дуҫтары һәм яҡындары килде, шулай уҡ балалар һәм студенттар йыйылды.

Был көндө Мостай Кәримдең «Йәләлетдин атай» китабы буйынса спектакль күрһәтелде. Инсценировка авторы — Илгиз Кәримов. Спектакль башланыр алдынан Илгиз Мостафа улын һәм кисә арабыҙҙан киткән Башҡортостандың халыҡ шағиры Рауил Бикбаевты бер минутлыҡ менән иҫкә алдылар. Илгиз Мостафа улы менән аралашҡандар, уның менән бергә ижад иткәндәр яҙыусы тураһында үҙҙәренең хәтирәләре менән уртаҡлашты.

Режиссер Мәсәлим Күлбаев Илгиз Кәримов менән үҙен кеше һәм ижади мөнәсәбәттәр бәйләүе, уртаҡ, хәҙер инде бойомға ашмаҫ пландары булыуы хаҡында һөйләне. Ул Илгиз Мостафа улының әлеге көндә театрҙа барған «Ауыл адвокаттары», «Йәләлетдин атай», «Тылсымлы тирмән», «Оҙон-оҙаҡ бала-саҡ» спектаклдәренең әҙәби нигеҙе өҫтөндә эшләүен билдәләне.

«Илгиз бик тыйнаҡ, интеллигентлы кеше ине. Ул үҙенең һәм дуҫтарының кескәй генә шатлыҡтарына, уңыштарына, ижадына һөйөнә белде. Беҙ «Йәләлетдин атай» китабын нәшер иттек, ағайымдың вафатына ете көн үткәс, йыйынтыҡтың исем туйы уҙҙы. Хәҙер, йәне беҙҙең менән бергә саҡта, уның яратҡан спектаклен күрһәтәбеҙ», — тине Әлфиә Мостай ҡыҙы Кәримова.

Әлфиә Мостай ҡыҙы ағаһы атаһының ижадын эстән яҡтан белеүен әйтте. Ул рус телле уҡыусыны Мостай Кәримдең төп китаптары менән таныштырҙы. Уларға бөтә йөрәген бирҙе, рус һәм башҡорт телдәрен яҡшы белде.

«Беҙ уның менән тиҫтерҙәр инек, икебеҙ ҙә Бөйөк Ватан һуғышы һалдаттарының улы, икебеҙ ҙә яҙмыш ҡушыуы буйынса ғүмерлеккә әҙәби фронтҡа саҡырылдыҡ. Ул һалдат кеүек, ҡулына ҡәләм тотоп, башҡорт, Рәсәй һәм совет әҙәбиәтенә хеҙмәт итте. 2011 йылда Илгиз менән атаһының тыуған төйәге Шишмә районында Башҡорт әҙәбиәте көндәрен уҙғарыуҙа ҡатнаштыҡ, ауыл мәктәптәренә, Мәҙәниәт йортона барҙыҡ. Шул саҡта мин уға бағышлап шиғыр яҙҙым, ләкин бер ҡасан да уҡырға тура килмәне», — тине Башҡортостандың халыҡ шағиры Ҡәҙим Аралбай һәм ошо хәтерҙә һаҡланырлыҡ көндә шиғри арнауҙы уҡып ишеттерҙе.

Хәтер кисәһе Илгиз Кәримовтың фотоларынан ролик күрһәтеү менән тамамланды.

1 из 12

http://www.bashinform.ru/news/1301604-v-ufe-v-pamyat-o-pisatele-ilgize-karimove-vozrodili-spektakl-batya-yalaletdin/

#хәтер #мостай кәрим #илгиз кәримов

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.