Понедельник, 25 Мая 2026

Уфа

+27 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

10:26 (UTC+5), 17 Апреля 2019

Башҡортостанда Татарстан Республикаһы көндәре бара

автор

IMPORT Сервисный

ӨФӨ, 2019 йыл, 17 апрель. /«Башинформ» мәғлүмәт агентлығы, Алик Шакиров/. Бөгөн Өфөлә Башҡортостан Республикаһында Татарстан Республикаһы көндәре башланды.

Иртән Башҡортостандың һәм Татарстандың Фәндәр Академиялары президиумдарының берлектәге ултырышы үтте. Унда ҡатнашыусылар ағымдағы хәлде һәм ике республика ғалимдарының хеҙмәттәшлек мөмкинлектәрен тикшерҙе.

Һуңынан Татарстан яҙыусылары делегацияһы Өфөнөң 84-се татар гимназияһына барҙы. Улар араһында күрше республиканың танылған шағирҙары һәм яҙыусылары: Татарстандың Яҙыусылар союзы рәйесе, драматург Данил Сәлихов, яҡташ шағир, Ғ.Туҡай премияһы лауреаты Рәдиф Ғаташ, Татарстандың халыҡ шағирҙары, Ғ.Туҡай премияһы лауреаттары Зиннур Мансуров һәм Гәрәй Рәхим бар ине. Уларҙы Башҡортостандың Яҙыусылар союзы рәйесе, Дәүләт Йыйылышы депутаты Зәки Әлибаев оҙатып йөрөнө.

84-се татар гимназияһы директоры Рәүил Иҙрисов ҡунаҡтарға кабинеттарҙы күрһәтеп сыҡты, уҡытыусылар һәм уҡыусылар төрлө сәхнә әҫәрҙәре, интермедиялар, шиғырҙар һәм йырҙар формаһында татар телен белеүҙәрен күрһәтте. Директор ҡунаҡтарға гимназияла белем биреү процесы, туған телдәрҙе нисек өйрәнеүҙәре хаҡында ла һөйләне. Уның һүҙҙәренсә, гимназия уҡыусыларының яртыһы «Туған тел» фәне булараҡ татар телен уҡый. Сит телдәрҙән инглиз, немец телдәрен өйрәнә. Башҡорт теле дәүләт теле итеп уҡытыла.

Гимназияның тамашалар залында уҡыусылар әҙерләгән концерт күрһәтелде. Татарстан яҙыусылары гимназистар алдында сығыш яһаны, үҙҙәренең шиғырҙарын уҡыны.

Өфөнөң 84-се татар гимназияһы 2002 йылда 84-се урта мәктәптә ойошторолған. Гимназияла 51 класс бар, уларҙа 1396 бала белем ала.

Көндөң икенсе яртыһында Башҡортостандың Яҙыусылар берекмәһендә Татарстан яҙыусыларының башҡорт яҙыусылары менән осрашыуы була.

Бөгөн Башҡортостан Республикаһы Дәүләт Йыйылышы – Ҡоролтай рәйесе Константин Толкачевтың Татарстан Республикаһы Дәүләт Советы депутаттары: республика парламенты рәйесе урынбаҫары Римма Ратникова, Мәғариф, мәҙәниәт, фән һәм милли мәсьәләләр буйынса комитет рәйесе Рәзил Вәлиев, Дәүләт төҙөлөшө һәм урындағы үҙидара буйынса комитет рәйесе Альберт Хәбибуллин менән осрашыуы уҙҙы.

Кискә ҡарай абруйлы ҡунаҡтарҙы «Дуҫлыҡ күпере» күргәҙмә проекты, Башҡортостандың Милли музейы фондынан халыҡ кәсептәре, татар халыҡ кейемдәре күргәҙмәһе менән таныштырыу ҡаралған. Шулай уҡ ике республиканың милли командалары ветерандары ҡатнашлығында хоккей уйыны ойошторола.

Башҡортостанда Татарстан көндәре иртәгә лә дауам итә.

http://www.bashinform.ru/news/1298809-v-bashkortostane-prokhodyat-dni-respubliki-tatarstan/

1 из 6

#башҡортостанда татарстан көндәре #төбәк-ара хеҙмәтәшлек

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.