Башҡорт драма театры бөйөк яулап алыусы Сыңғыҙхан тураһында спектакль ҡуйҙы

Роман Шумнов

IMPORT Сервисный

ӨФӨ, 2019 йыл, 22 февраль. /«Башинформ» мәғлүмәт агентлығы, Ләйлә Аралбаева/. Мәжит Ғафури исемендәге Башҡорт академия драма театрында «Сыңғыҙхандың аҡ болото» исемле спектаклдең премьераһы уҙҙы. Спектакль ҡырғыҙ яҙыусыһы Сыңғыҙ Айытматовтың «Быуаттан да оҙон көн» романына ингән повесҡа нигеҙләнгән.

Повестың сәхнә версияһын Елена Баранчикова яҙған. Спектаклде республиканың Милли йәштәр театры режиссеры Мөсәлим Күлбаев сәхнәләштергән. Рәссам — Альберт Нестеров, балетмейстер — Ирина Филиппова (Мәскәү), композитор — Урал Иҙелбаев, рәссам-яҡтыртыусы — Илшат Саяхов. Спектаклде ҡарарға Рәсәйҙә Монголия илселегенең беренсе секретары Жигжидсурэн Баярхуу ла килгәйне.

Премьера бер минутлыҡ тынлыҡтан башланды — театрҙың художество етәксеһе Олег Хановтың үтенесе буйынса йыйылыусылар ошо көндәрҙә арабыҙҙан киткән күренекле актрисаны — СССР-ҙың халыҡ артисы Гөлли Мөбәрәкованы иҫкә алды.

Спектакль-хикәйәт Европа ерҙәренә барып етә алмаған Сыңғыҙхандың Көнбайыш походы тураһында бәйән итә. Бөйөк яулап алыусы поход ваҡытында бала табыуҙы тыйған була. Ул шуны боҙорға йөрьәт иткән ғашиҡтарҙың ғүмерен ҡыйып, күктәрҙең фатихаһын юғалта. Әҫәрҙә йәшәү һәм үлем, кеше һәм власть, мөхәббәт, сабый тыуыуы һәм һуғыш кеүек мәңгелек темалар күтәрелә.

Башҡорт театры һәр ваҡыттағыса танылған актерҙар составы менән һоҡландыра. Спектаклдең үҙәгендә — Рәсәйҙең һәм Башҡортостандың халыҡ артисы Хөрмәтулла Үтәшев башҡарыуында бөйөк Сыңғыҙхан.

«Мин геройымдың кешелекле яҡтарын асырға тырышам. Сыңғыҙхан — ул көслө хөкүмәт башлығы, ир ҙә, дуҫ та. Бында ошо персонажды төрлө яҡтан: унда мөхәббәт, дуҫлыҡ, бурыс тойғоһоноң нисек сағылыуын күрһәтергә теләйем», — ти Хөрмәтулла Үтәшев.

Эрдене (Артур Кәбиров) һәм Догуланг (Зилиә Ситдиҡова / Илгизә Ғилманова) ҡатнашлығындағы лирик сәхнәләр айырыуса сағыу булды.

Икенсе пландағы эштәр ҙә хәтерҙә ҡала: Алтун (Сара Буранбаева / Нурия Ирсаева), Борте (Эльвира Юнысова / Светлана Хәкимова), Джамуха (Азамат Ғафаров / Руслан Хайсаров), Бее (Урал Әминев), Мусук (Ринат Баймырҙин / Руслан Хәсәнов).

Бөгөн – премьераның икенсе көнө.

http://www.bashinform.ru/news/1276800-premera-v-bashkirskom-teatre-chingiskhan-utratil-blagoslovenie-nebes/

1 из 5

#премьералар #башҡорт драма театры

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.