Өфөлә СССР-ҙың халыҡ артисы Гөлли Мөбәрәкова вафат булды

ӨФӨ, 2019 йыл, 21 февраль. /«Башинформ» мәғлүмәт агентлығы, Ләйлә Аралбаева/. Өфөлә күренекле актриса, СССР-ҙың һәм РСФСР-ҙың халыҡ артисы, РСФСР-ҙың һәм Башҡорт АССР-ының атҡаҙанған артисы, Өфө ҡалаһының почетлы гражданы Гөлли Мөбәрәкова 83-сө йәшендә донъя ҡуйҙы.

Хушлашыу йома, 22 февралдә уҙа, тип хәбәр иттеләр Башҡортостандың Мәҙәниәт министрлығында.

Гөлли Арыҫланы ҡыҙы Мөбәрәкова — башҡорт актрисаһы, театр режиссеры, педагог, З.Исмәғилев исемендәге Өфө дәүләт сәнғәт институты профессоры. К. Станиславский исемендәге театр премияһы, Башҡортостандың Салауат Юлаев исемендәге дәүләт премияһы лауреаты, Салауат Юлаев ордены, Почет ордены, Халыҡтар дуҫлығы ордены кавалеры.

1936 йылдың 9 сентябрендә Өфөлә актер, режиссер, СССР-ҙың халыҡ артисы Арыҫлан Мөбәрәков менән актриса, шағирә, драматург, РСФСР-ҙың халыҡ артисы Рәғиҙә Янбулатова ғаиләһендә тыуған. 1959 йылда А. В. Луначарский исемендәге Мәскәү дәүләт театр техникумын тамамлаған.

1959 йылдан Мәжит Ғафури исемендәге Башҡорт академия драма театрында эшләне. Актриса хәҙерге башҡорт театрының төп фигураларының береһе булды. Барыһының да яратҡан актрисаһы Хафаса («Әсәләр көтәләр улдарын», Ә. Мирзаһитов), Шәфәҡ («Ай тотолған төндә», М. Кәрим), Агазия («Ташлама утты, Прометей!», М. Кәрим), Ғәлиә («Тапшырылмаған хаттар», Ғ. Ҡотой) һәм башҡа ролдәре менән тамашасыларҙың хәтерендә ҡалды. Туған театрында һуңғы роле — «Иң бәхетле төн» спектаклендә Эухения.

1991 йылдан алып бер нисә йыл буйына Башҡорт драма театрының баш режиссеры булды. И. Юзеевтың «Һөйгәнемдең тыуған көнө» лирик комедияһын һәм Ғ.Шафиҡовтың очеркы буйынса «Һәҙиә» драмаһын сәхнәләштерҙе.

1978 йылда Гөлли Мөбәрәкова Мостай Кәримдең «Ай тотолған төндә» трагедияһы буйынса нәфис фильмда Тәңкәбикә ролен уйнаны (Свердловск киностудияһы, режиссеры Б. Халзанов).

«Башинформ» агентлығы мәрхүмәнең туғандарының һәм яҡындарының ауыр ҡайғыһын уртаҡлаша.

http://www.bashinform.ru/news/1276223-v-ufe-ushla-iz-zhizni-narodnaya-artistka-sssr-gyulli-mubaryakova/

#юғалтыуҙар #театр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.