92.51
-0.79
Башҡортостан һәм Өфө яңылыҡтары
98.91
-0.65
87.67
-0.23
7+ °C
Болотло
Бөтә яңылыҡтар
Мәҙәниәт
18 Февраль 2019, 17:40
Башҡортостанда «Тере шишмәләр» халыҡ ижады конкурсы еңеүселәрен билдәләнеләр
Республика халыҡ ижады үҙәгенең матбуғат хеҙмәте
ӨФӨ, 2019 йыл, 18 февраль. /«Башинформ» мәғлүмәт агентлығы/. Башҡортостанда «Тере шишмәләр» үҙешмәкәр халыҡ ижады конкурсы еңеүселәре билдәле булды. Башҡортостан халыҡтарының фольклор традицияларын үҫтереүгә һәм күсәгилешлелекте һаҡлауға йүнәлтелгән ижади бәйге ике йылға бер тапҡыр үткәрелә.
Быйыл сара Күгәрсен районында уҙҙы. Фольклор байрамы Архангел, Бөрйән, Ейәнсура, Йылайыр, Көйөргәҙе, Күгәрсен, Хәйбулла райондарынан, Сибай, Мәләүез һәм Күмертау ҡалаларынан алты балалар һәм 24 өлкәндәр үҙешмәкәр ижади коллективын йыйҙы, тип хәбәр иттеләр Республика халыҡ ижады үҙәгендә.
Жюри һәм тамашасылар иғтибарына фольклорҙың әйтеш, йыр, бейеү жанры, халыҡ байрамдары, ғөрөф-ғәҙәттәре, йолалары, уйындары тәҡдим ителде. Улар иҫәбендә — «Параскева Льняница», «Святочные посиделки», «Ауыл йәрминкәһе», «Ҡайын-ҡабаҡ буйында», «Кәкүк сәйе», «Йәйге нардуған», «Торатау».
Гран-приҙы Күгәрсен районынан «Веретёнце» балалар фольклор ансамбле яуланы. Өлкәндәрҙең фольклор коллективтары араһында Бөрйән районынан «Элгеләү» халыҡ фольклор ансамбле һәм Хәйбулла районынан «Ҡараhыу» башҡорт фольклор ансамбле I дәрәжә лауреат исемен алды. Коллективтар «Фольклорҙа халыҡ традицияларын тергеҙеү һәм һаҡлау» номинацияһында ла билдәләнде.
Конкурс барышында коллективтарҙың етәкселәре һәм ҡатнашыусылары менән түңәрәк өҫтәл уҙҙы, унда репертуар, фольклор программаларын ҡуйыу мәсьәләләре, сәхнә кейемдәре тикшерелде.
Фестивалде ойоштороусылар — Башҡортостандың Мәҙәниәт министрлығы, Республика халыҡ ижады үҙәге, Күгәрсен районы хакимиәтенең мәҙәниәт идаралығы.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».