Илдар Абдразаҡов фестиваленең оҫталыҡ дәрестәрендә ҡатнашыуға ғаризалар ҡабул ителә

IMPORT Сервисный

ӨФӨ, 2019 йыл, 12 февраль. /«Башинформ» мәғлүмәт агентлығы, Ләйлә Аралбаева/. Илдар Абдразаҡов фестиваленең оҫталыҡ дәрестәрендә ҡатнашыуға ғаризалар ҡабул ителә. Унда 20-нән 32 йәшкәсә йәш йырсылар ҡатнаша ала. Шарттарға ярашлы, юғары һөнәри белем мотлаҡ түгел, иң мөһиме — һәләт һәм үҙ көсөңә ышаныу.

«Йәштәргә һәм ҡыйыуҙарға мөрәжәғәт итәм! Маҡсаттарымдың береһе — йәш артистарға үҙҙәрен сәхнәлә күрһәтергә ярҙам итеү һәм яңы офоҡтар асыу. Хәҙер һеҙҙең ваҡыт һәм мин фестивалдең оҫталыҡ дәрестәрендә ҡатнашыуға ғаризалар ҡабул итеү асыҡ тип иғлан итеүемә шатмын, — тип яҙҙы йырсы үҙенең сәхифәһендә. — Ошондай мөмкинлекте ҡулығыҙҙан ысҡындырмағыҙ. Тәүәкәлләгеҙ!».

12 мартта дәрестәр — Өфөлә, ә 17 мартта Мәскәүҙә ойошторола. Оҫталыҡ дәрестәре йомғаҡтары буйынса иң һәләтле йәштәрҙе Илдар Абдразаҡов 19 мартта Мәскәүҙә «Зарядье» концерт залында бер концертта сығыш яһарға саҡыра.

Ғариза биреү өсөн 1 мартҡа тиклем masterclass@ildarabdrazakov.com адресы буйынса бер рус һәм бер сит ил арияһының ҡыҫҡа видеояҙмаһын ебәрергә кәрәк. Бер видеояҙманы #abdrazakovfest #opera #молодымвездедорога билдәһе менән үҙеңдең социаль селтәреңә һалыу мотлаҡ.

12-24 мартта Мәскәүҙә, Өфөлә, Әлмәттә һәм Ҡазанда Илдар Абдразаҡовтың Халыҡ-ара музыка фестивале уҙа. Фестивалде ойоштороусы — бөтә донъяға танылған опера йырсыһы нигеҙ һалған Йәш таланттарға ярҙам күрһәтеү һәм уларҙы үҫтереү фонды.

http://www.bashinform.ru/news/1272369-ildar-abdrazakov-obyavil-priyem-zayavok-na-uchastie-v-master-klassakh-svoego-festivalya/

#опера #илдар абдразаҡов

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.