Башҡортостан һәм Өфө яңылыҡтары
69.59
+0.26
75.78
+0.37
83.79
-0.71
-6 °C
Болотло
Бөтә яңылыҡтар
Мәҙәниәт
5 Февраль 2019, 11:48

Өфөлә «Мираҫ» фольклор ансамбле башҡорт балына арналған бейеү күрһәтә

ӨФӨ, 2019 йыл, 5 февраль. /«Башинформ» мәғлүмәт агентлығы, Ләйлә Аралбаева/. «Мираҫ» йыр һәм бейеү фольклор ансамбле үҙенең концертына әҙерләнә. Сара 8 февралдә «Башҡортостан» дәүләт концерт залында уҙа. Концерт Башҡортостан Республикаһы ойошторолоуҙың 100 йыллығын байрам итеүгә арнала.
«Был миҙгелдәге премьераларҙың береһе — «Башҡорт балы» бейеүе. 2021 йылда Башҡортостан «Апимондия» халыҡ-ара конгресын ҡаршыларға әҙерләнә. Ошо ваҡиға алдынан республика брендтарының береһе темаһы айырыуса көнүҙәк», — тип хәбәр иттеләр ансамблдең матбуғат хеҙмәтендә.
«Бер ғаиләлә» дуҫлыҡ бейеүендә иһә 40 балет артисы ҡатнаша. Концерт программаһында күп милләтле фольклор сәнғәтенең биҙәген һәм тәрән асылын сағылдырған мөһим номерҙар: «Илкәйем», «Салауат мираҫы», «Раз вечор», «Өлгөр» бар. Артистар милли орнаменттар менән биҙәлгән 30-ҙан ашыу костюм алмаштыра.
Концертта төп балет труппаһы менән бер рәттән Стәрлетамаҡ ҡалаһының Башҡорт республика мәҙәниәт һәм сәнғәт колледжы студенттары ла бейей.
«Мираҫ» ансамбле репертуарында 150-нән ашыу номер иҫәпләнә: вокаль-хореография композициялары, бейеү, хор һәм яңғыҙ сығыштар. Нигеҙен Башҡортостанда йәшәгән халыҡтарҙың йыр-бейеүҙәре тәшкил итә. Коллектив республика мәҙәниәтен һәм сәнғәтен лайыҡлы күрһәтә, ансамблдең үҙенсәлеге йыр, бейеү һәм музыканың бергә үрелеп барыуына ҡайтып ҡала. Уның төп байлығы — милли сығанаҡтарҙы һаҡлау һәм тамашасыларҙы фольклорға ылыҡтырыу. 26 йыл эсендә ансамбль артистарын Францияла, Испанияла, Португалияла, Италияла, Бельгияла, Германияла, Болгарияла, Венгрияла һәм башҡа бик күп илдәрҙә алҡыштарға күмделәр. Коллективта танылған артистар эшләй, уларҙың күбеһе маҡтаулы исемдәргә һәм наградаларға лайыҡ.
Читайте нас в