Өфөлә журналист һәм композитор Нурия Абдуллинаға ярҙам итеү өсөн хәйриә концерты ойошторола

IMPORT Сервисный

ӨФӨ, 2019 йыл, 25 ғинуар. /«Башинформ» мәғлүмәт агентлығы, Ләйлә Аралбаева. Өфөлә журналист, йырсы, композитор Нурия Абдуллинаға ярҙам итеү өсөн «Беҙ бергә!» хәйриә концерты ойошторола. Концерт 25 февралгә билдәләнгән.

Бер йыл элек табиптар Нурия Абдуллинаға киҫкен миелобласт лейкозы тигән диагноз ҡуйған. Ул 10 химия терапияһы курсын үткән дә инде. Ыңғай динамика күҙәтелә, тулыһынса һауығыу мөмкинлеге лә бар. Нурияға Төркиәләге алдынғы клиникаларҙың береһендә електе күсереү операцияһын эшләтеү өсөн $110 000 — яҡынса 7,3 миллион һум кәрәк. Ғаиләнең быға көсө етмәй. Бер нисә көн элек журналист үҙе, уның туғандары һәм яҡындары халыҡҡа ярҙам һорап мөрәжәғәт итте.

«Бөгөнгәсә халыҡҡа үҙемдең сирем хаҡында белдерергә теләмәнем. Ҡайғы-хәсрәттәремде бер кемгә лә әйтмәйенсә, тешемде ҡыҫып еңергә өйрәнгәнмен, — тип яҙҙы Нурия Абдуллина. — Яҡындарым минең хәлемде белә ине. Артист дуҫтарым ярҙамында хәйриә концерттары ойошторҙоҡ. Береһенә барып, ике номер менән сығыш яһап ҡайттым. Ләкин икенсеһенә бара алманым, гастролдәр менән йөрөй алмаҫымды аңланым. Өҫтәүенә хәҙер миңә халыҡ күп йөрөгән урындарға сыҡмаҫҡа, аралашыуҙы сикләргә кәрәк. Үҙем аралашыусан кешемен, туғандарымды һәм кешеләрҙе яратам, уларҙы көн һайын күрәһем килә, һағынам, йәшәйһем килә... Һәр берегеҙҙән миңә ошондай мөмкинлек бүләк итеүегеҙҙе үтенәм...».

Яҡындары әйтеүенсә, 18 ғинуарҙан 23-өнә тиклем дауаланыуға һәм операцияға 217 мең һумдан ашыу аҡса йыйылған.

Нурия Абдуллина — йырсы, композитор, автор-башҡарыусы, журналист, радио алып барыусыһы. Башҡортостандың атҡаҙанған мәҙәниәт хеҙмәткәре, «Юлдаш» радиоһы ветераны. Нурия Абдуллинаға ярҙам ҡулы һуҙыу өсөн асылған иҫәп номеры — төркөмдә. Концертты ойоштороу мәсьәләләре буйынса бәйләнеш телефоны: 89659278877.

http://www.bashinform.ru/news/1265144-v-ufe-proydet-blagotvoritelnyy-kontsert-v-pomoshch-zhurnalistu-i-kompozitoru-nurie-abdullinoy/

#хәйриә #нурия абдуллина

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.