Башҡортостан һәм Өфө яңылыҡтары
77.36
+0.67
87.59
+0.69
86.68
+0.41
-18 °C
Болотло
Бөтә яңылыҡтар
Мәҙәниәт
16 Ғинуар 2019, 12:34

«Мостай уҡыуҙары» ҡатнашырға саҡыра

ӨФӨ, 2019 йыл, 16 ғинуар. /«Башинформ» мәғлүмәт агентлығы, Ләйлә Аралбаева/. «Мостай уҡыуҙары» халыҡ-ара ғилми-ғәмәли конференцияһын ойоштороусылар ҡатнашырға саҡыра. Конференция 3-4 октябрҙә Әхмәтзәки Вәлиди исемендәге милли китапханала уҙа. Сара Башҡортостандың халыҡ шағиры Мостай Кәримдең тыуыуына 100 йыл тулыуға бағышланған.
«Дәүерҙең тарихи-мәҙәни һәм ижтимағи-сәйәси контексында Мостай Кәримдең шәхесе, яҙмышы һәм ижады», «Мостай Кәримдең әҫәрҙәрендә донъяның художестволы һәм тел картинаһы», «Полилингваль донъяла Мостай Кәримдең ижады: художестволы тәржемә сәнғәте», «Белем биреү киңлегендә Мостай Кәрим: мәктәптә һәм юғары уҡыу йортонда яҙыусының ижадын өйрәнеү традициялары һәм тәжрибәһе», «Мостай Кәримдең мираҫын популярлаштырыу һәм һаҡлау мәсьәләләре» секцияларының эше ойошторола.
Конференцияны ойоштороусылар: Әхмәтзәки Вәлиди исемендәге милли китапханаһы, А. М. Горький исемендәге Әҙәбиәт институты, Рәсәй Фәндәр академияһы Өфө федераль тикшеренеү үҙәгенең Тарих, тел һәм әҙәбиәт институты, Башҡортостандың Фәндәр академияһы, Мәҙәниәт министрлығы, Мәғариф министрлығы.