Башҡортостан һәм Өфө яңылыҡтары
93.44
0
99.73
0
90.21
-0.33
2+ °C
Болотло
Бөтә яңылыҡтар
Мәҙәниәт
11 Декабрь 2018, 15:55

Башҡорттарҙың Ҡурай байрамы — «Халыҡ театры» премияһы еңеүсеһе

Октябрьский ҡалаһы хакимиәте
Октябрьский ҡалаһы хакимиәте
ӨФӨ, 2018 йыл, 11 декабрь. /«Башинформ» мәғлүмәт агентлығы, Әлим Фәйезов/. «Ҡурай байрамы-2017» «Халыҡ театры» премияһына дәғүә итеү конкурсы еңеүсеһе булды, жюриҙың юғары баһаһын алды һәм Рәсәйҙең иң яҡшы милли байрамдары йыйынтығына индерелде. Ғата Сөләймәнов исемендәге республика Ҡурай байрамы «Иң яҡшы милли байрам» категорияһында еңеүсе тип танылды. Ойоштороусыһы — Октябрьский ҡала мәҙәниәт йорто. Концепция авторҙары һәм байрамды ҡуйыусылар: Ольга Паленова, Светлана Ибраһимова һәм Иван Фалькин, тип хәбәр иттеләр Октябрьский хакимиәтенән.
Быйыл конкурста илдең 40-ҡа яҡын төбәгенән 80-дән ашыу проект ҡатнашты. Премияға Рәсәйҙең бик күп проекттары: 2017 йылда асыҡ майҙансыҡтарҙа, стадиондарҙа һәм ҙур концерт залдарында уҙғарылған театрлаштырылған байрам тамашалары һәм концерт программалары дәғүә итте.
Белешмә. Октябрьскийҙа республика Ҡурай байрамы тәүге тапҡыр 2001 йылда үтте. Ул ЮНЕСКО-ның башҡорт халыҡ уйын ҡоралдарында уйнау традицияларын үҫтереү, йәштәр араһында һәләтле башҡарыусыларҙы асыҡлау программаһы сиктәрендә ойошторолдо. Байрамдың төп идеяһы — республика биләмәһендә йәшәгән халыҡтар мәҙәниәте диалогы.
http://www.bashinform.ru/news/1249509-bashkirskiy-prazdnik-kuraya-obladatel-premii-teatr-mass/
Читайте нас: