Ошо көндәрҙә «Башҡортостан» киностудияһына Әмир Абдразаҡовтың исеме бирелә

IMPORT Сервисный

ӨФӨ, 2018 йыл, 26 ноябрь. /«Башинформ» мәғлүмәт агентлығы/. Башҡортостан Хөкүмәтендә «Башҡортостан» киностудияһына Әмир Абдразаҡовтың исемен биреү тураһында бойороҡ әҙерләнгән. Был хаҡта «Башинформ» мәғлүмәт агентлығына республиканың мәҙәниәт министры Әминә Шафиҡова хәбәр итте.

«Бөгөн республиканың үҙенең киностудияһы, башҡорт киноһын төшөрөү өсөн шарттар һәм мөмкинлектәр булыуында Әмир Ғәбделмән улының өлөшө ҙур, — тине Шафиҡова. — Тап ул телевидениела эшләгән һәм фильмдар төшөргән йылдарҙа республика етәкселеген тулы метражлы нәфис фильмдар өсөн шарттар тыуҙырыу кәрәклегенә ышандыра. Бөгөн уның эшен дауам иткән кинематографистарҙың йәш быуыны киностудияға Әмир Абдразаҡовтың исемен биреү тәҡдимен индерҙе. Республика Башлығы ҡарамағындағы Мәңгеләштереү комиссияһы ла башланғысты бер тауыштан хупланы. Яҡын көндәрҙә «Башҡортостан» киностудияһына Әмир Абдразаҡовтың исемен биреү тураһында бойороҡ баҫылырға тейеш».

Әмир Ғәбделмән улы Абдразаҡов — башҡорт актёры, сценарист һәм кинорежиссер. Башҡорт АССР-ының атҡаҙанған мәҙәниәт хеҙмәткәре (1974) һәм Салауат Юлаев исемендәге дәүләт премияһы лауреаты (2006). 1934 йылдың 15 ғинуарында Ырымбур өлкәһе Александровка районы Ҡәйепҡол ауылында тыуған. 1959 йылда А. В. Луначарский исемендәге Дәүләт театр һәм сәнғәт институты (ГИТИС) ҡарамағындағы башҡорт студияһын тамамлаған (О. И. Пыжова һәм Б. В. Бибиков класы). 1959-1962 йылдарҙа — Мәжит Ғафури исемендәге Башҡорт академия театрында актер. 1962 йылдан Башҡорт АССР-ы Министрҙар Советы ҡарамағындағы Телевидение һәм радио тапшырыуҙары комитетында режиссёр булып эшләй. 50-гә яҡын телевизион фильм төшөргән, шул иҫәптән Башҡортостан телевидениеһында тәүге тапҡыр Я.Хамматовтың «Бөртөкләп йыйыла алтын» (1979) һәм Ғ. Ибраһимовтың «Кинйә» (1986) романдары буйынса күп сериялы нәфис телефильмдар.

2006 йылда Әмир Абдразаҡов «Һынмаҫ рух» документаль фильмы өсөн Башҡортостандың Салауат Юлаев исемендәге дәүләт премияһына лайыҡ булды.

http://www.bashinform.ru/news/1243174-kinostudiya-bashkortostan-na-dnyakh-poluchit-imya-amira-abdrazakova/

#киностудия

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.