Еркин Тукумов Башҡортостанда Ҡаҙағстан көндәрен үткәреү тәҡдимен индерҙе

Олег Яровиков

IMPORT Сервисный

ӨФӨ, 2018 йыл, 23 ноябрь. /«Башинформ» мәғлүмәт агентлығы, Ләйлә Аралбаева/. Өфөлә Ҡаҙағстан Республикаһының Ҡазан ҡалаһындағы Генераль консуллығы делегацияһының Башҡортостанға сәфәре барышында «Башинформ» мәғлүмәт агентлығында осрашыу уҙҙы.

«Республикаларыбыҙҙың үҙ-ара эш итеүе буйынса юл картаһын әҙерләргә тәҡдим итәбеҙ, уға иҡтисади, мәҙәни һәм мәғлүмәти хеҙмәттәшлек мәсьәләләре инергә тейеш. Башҡортостанда Ҡаҙағстан мәҙәниәте көндәрен һәм Астанала Башҡортостан мәҙәниәте көндәрен уҙғарыу тәҡдиме бар, күптән булғаны юҡтыр тип уйлайым», — тип белдерҙе Ҡаҙағстан Республикаһының Ҡазандағы генераль консулы Еркин Тукумов. Ул беҙҙең халыҡтарҙың теле, мәҙәниәте һәм ғөрөф-ғәҙәттәренең уртаҡ булыуын билдәләне.

Республика ойошторолоуҙың 100 йыллығына һәм Башҡортостандың халыҡ шағиры Мостай Кәримдең бер быуатлыҡ юбилейына бәйле саралар уҙғарыласағын белгәс, генераль консул мәҙәни ваҡиғалар туризмы һәм мәғлүмәт алмашыу өлкәһендә берлектәге бәйләнештәрҙе үҫтереү мөмкинлектәрен һыҙыҡ өҫтөнә алды.

Башҡортостандың Матбуғат һәм киң мәғлүмәт саралары агентлығы етәксеһе Борис Мелкоедов ҡунаҡты Башҡортостан медиаөлкәһе үҫешенең үҙенсәлектәре һәм хәҙерге торошо менән таныштырҙы, уға башҡорт телендәге «Ағиҙел» һәм «Башҡортостан ҡыҙы» журналдарын бүләк итте.

«Башинформ» агентлығының генераль директоры Максим Ульчев 2017 йылдың авгусында «Башинформ» мәғлүмәт агентлығы һәм «Казинформ» халыҡ-ара мәғлүмәт агентлығы араһында хеҙмәттәшлек тураһында ике яҡлы килешеүгә ҡул ҡуйылыуы хаҡында һөйләне. «Башинформ» агентлығы таҫмаһында Ҡаҙағстан коллективтары йәки Башҡортостандың ҡаҙаҡ диаспораһы ҡатнашҡан «Науруз», «Туғанлыҡ», «Берҙәмлек», «Урал моңо» фестивалдәре яҡтыртыла.

Генераль консул билдәләүенсә, Өфө юғары уҡыу йорттарындағы сит ил студенттарының иң ҙур төркөмө — Ҡаҙағстандан, 600-гә яҡын кеше.

«Тура авиарейс асыу үтенесе бар. Рейс асһаҡ, бизнес та, туризм да үҫешә башлар. 2019 йылда һеҙҙә бик күп ваҡиғалар була, беҙҙең дә тәҡдим итерлек саралар бар», — тине Еркин Тукумов.

Генераль консул Ҡаҙағстан сигенең иң ҙуры — яҡынса 7,5 мең саҡрымының Рәсәйгә тура килеүен әйтеп үтте. Республикала өс телгә күсеү бара: Ҡаҙағстанда йәшәүселәр ҡаҙаҡ, рус һәм инглиз телдәрен белергә тейеш.

http://www.bashinform.ru/news/1242184-erkin-tukumov-predlozhil-provesti-dni-kultury-kazakhstana-v-bashkortostane/

1 из 3

#халыҡ-ара хеҙмәттәшлек #еркин тукумов

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.