Кесе йома, 30 Апрель 2026

Өфө

+8 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Мәҙәниәт

06:44 (UTC+5), 22 Ноябрь 2018

Өфөлә Мостай Кәримдең шәхси әйберҙәрен һәм уның хаҡында уникаль материалдарҙы күрергә мөмкин

автор

IMPORT Сервисный

ӨФӨ, 2018 йыл, 22 ноябрь. /«Башинформ» мәғлүмәт агентлығы, Ләйлә Аралбаева/. Өфөлә күренекле башҡорт шағиры Мостай Кәримдең шәхси әйберҙәрен һәм уның хаҡында уникаль фотоматериалдарҙы күрергә мөмкин.

Милли йәштәр театрында республикабыҙҙың һәм Башҡортостандың халыҡ шағиры Мостай Кәримдең юбилейҙарына арналған «Быуат параллелдәре» тигән ҙур күргәҙмә асылды. Яҙыусының тормошона һәм ижадына бағышланған эскпозиция 10 фотобүлектән һәм өс витринанан тора.

Плакаттарҙа — Мостай Кәримдең тыуған яғы һәм бала сағындағы фотоһүрәттәре, уның фронттағы көндәре, ижади, йәмәғәтселек һәм дәүләт эшмәкәрлеге, ғаиләһе, сәхнә әҫәрҙәре, лайыҡлы наградалары һәм хәтерен мәңгеләштереү тураһында материалдар.

«Күргәҙмәгә Мостай Кәримдең шәхси әйберҙәре — ҡул сәғәте, уның сәй эскән сынаяғы, авторучкаһы, сувенирҙар, ҡыҙының һәм улының автографтары менән китаптар, театр программалары, 1943-1944 йылдарҙағы «Советский воин» фрон гәзиттәре төпләме (ул унда хәбәрсе булып эшләгән) ҡуйылған», — тип һөйләне экспозиция авторы — Милли әҙәбиәт музейы хеҙмәткәре Радмил Абдрахманов.

Театрҙа асылған икенсе күргәҙмә Башҡортостан Республикаһының ойошторолоуына һәм үҫешенә арналған. Ул Милли музей коллекцияһы материалдарынан эшләнгән һәм төрлө йылдарҙағы фотоһүрәттәр, әйберҙәр ярҙамында тотош дәүерҙе сағылдыра.

Күргәҙмә проекты — «Быуат параллелдәре» мәҙәни-ағартыу һәм күргәҙмә саралары циклының бер өлөшө генә. Асыу тантанаһында йыйылыусыларҙы Башҡортостандың мәҙәниәт министры урынбаҫары Рәнис Алтынбаев, Милли әҙәбиәт музейы директоры Гөлдәр Моратова, Милли музей директоры Марат Зөлҡәрнәев сәләмләне, артистар Хима Йәнбирҙина һәм Зөһрә Вәлиева сығыш яһаны. Күргәҙмә менән тәүгеләрҙән булып Өфө уҡыусылары һәм студенттары танышты.

«Быуат параллелдәре» күргәҙмәһе 26 ноябргә тиклем эшләй. Уны республиканың төрлө ҡала һәм райондарында күрһәтеү күҙаллана.

Күргәҙмәне асыу тантанаһынан һуң «Быуат параллелдәре» циклы ғилми-ғәмәли конференцияһының пленар өлөшө булды. Билдәле ғалимдар, тарихсылар, яҙыусылар республиканың барлыҡҡа килеүе, Башҡортостан әҙәбиәтенең үҫеше, Мостай Кәрим әҫәрҙәрендә шәхес тураһында докладтар менән сығыш яһаны.

http://www.bashinform.ru/news/1241688-v-ufe-mozhno-uvidet-lichnye-veshchi-mustaya-karima-i-unikalnye-materialy-o-nem/

1 из 12

#күргәҙмәләр #мостай кәрим

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.