85.57
+0.16
Башҡортостан һәм Өфө яңылыҡтары
93.26
+0.09
80.51
-1.86
13+ °C
Болотло
Бөтә яңылыҡтар
Мәҙәниәт
20 Ноябрь 2018, 13:14
Мәскәүҙә Башҡортостандың халыҡ яҙыусыһы Зәйнәб Биишеваның 110 йыллығын билдәләнеләр
автор
ӨФӨ, 2018 йыл, 20 ноябрь. /«Башинформ» мәғлүмәт агентлығы, Ләйлә Аралбаева/. Илебеҙҙең баш ҡалаһында шағирә, драматург, тәржемәсе, Башҡортостандың халыҡ яҙыусыһы Зәйнәб Биишеваның тыуыуына 110 йыл тулыуҙы билдәләнеләр. Сара Мәскәүҙең милләттәр йортонда уҙҙы.
Кисәлә яҙыусының улы Тельман Әминев сығыш яһаны. Тельман Ғәзиз улы Мәскәүҙә йәшәй, профессор, химия фәндәре докторы. Күп йылдар буйына әсәһенең бай ижади мираҫын һаҡлау менән шөғөлләнә. Тельман Әминев бөтәһен дә Өфөгә, Коммунистик урамында урынлашҡан 7-се йорттағы мемориаль фатирға саҡырҙы. Әҙибә ғүмеренең күпселек өлөшөн шунда үткәргән. Кисәлә ошо фатир тураһында фильм күрһәтелде.
Тарих фәндәре кандидаты Фәниә Шәкүрова Биишеваның тормошо һәм ижады хаҡында һөйләне. Башҡортостандың атҡаҙанған мәҙәниәт хеҙмәткәре Шәмсиә Нагаева, яҙыусы, тәржемәсе, атҡаҙанған мәҙәниәт хеҙмәткәре Йәмил Мостафин үҙҙәренең иҫтәлектәре менән уртаҡлашты.
Йырсы Арсен Кәримов һәм ҡурайсы, Башҡортостандың атҡаҙанған артисы Азат Биксурин башҡарыуында З.Биишева шиғырҙарына яҙылған йырҙар яңғыраны. «Илһам» халыҡ театры етәксеһе Мәҙинә Илһамова һәм «Шаршау» театр студияһында ҡатнашыусылар З.Биишеваның билдәле әҫәрҙәрен сәхнәләштерҙе.
Кисәне Башҡортостандың Рәсәй Федерацияһы Президенты ҡарамағындағы Тулы хоҡуҡлы вәкиллеге булышлығында «Сәсән» ижади берекмәһе ойошторҙо.
«Башҡорт яҙыусылары, шағирҙары, композиторҙарының ижадына бағышланған кисәләр йолаға әүерелгән. Бындай сараларҙа Мәскәүҙә йәшәгән башҡорт интеллигенцияһы вәкилдәре, туған телдә аралашыуға, мәҙәниәткә, әҙәбиәткә, йыр-моңға сарсаған милләттәштәребеҙ ҡатнаша», — тип билдәләне Башҡортостан Республикаһы Тулы хоҡуҡлы вәкиллегенең бүлек етәксеһе Азат Ғәфүров.
http://www.bashinform.ru/news/1240647-v-moskve-otmetili-110-letie-narodnoy-pisatelnitsy-bashkortostana-zaynab-biishevoy/
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».