91.69
0
Башҡортостан һәм Өфө яңылыҡтары
98.56
0
82.82
-0.85
7+ °C
Болотло
Бөтә яңылыҡтар
Мәҙәниәт
16 Ноябрь 2018, 10:23
Ғәзиз Әлмөхәмәтов исемендәге конкурстың Гран-прийын Гөлнара Вәлиева яуланы
Башҡорт дәүләт филармонияһының матбуғат хеҙмәте
ӨФӨ, 2018 йыл, 16 ноябрь. /«Башинформ» мәғлүмәт агентлығы, Ләйлә Аралбаева/. Ғәзиз Әлмөхәмәтов исемендәге республика йырсылар конкурсында Башҡорт дәүләт опера һәм балет театры солисы Гөлнара Вәлиева еңеү яуланы. Ул шулай уҡ республика Композиторҙар берекмәһенең «Заһир Исмәғилев әҫәрҙәрен иң оҫта башҡарған өсөн» тигән махсус бүләгенә лайыҡ булды. Гөлнара Вәлиева Доницеттиҙың «Лючия ди Ламмермур» операһынан Лючия арияһын, «Урал егете» йырын һәм Ғәзиз Әлмөхәмәтовтың «Шомло ел» балладаһын башҡарҙы.
Конкурс финалсыларының гала-концерты Башҡорт филармонияһында уҙҙы. Еңеүсене республиканың мәҙәниәт министры урынбаҫары Рәнис Алтынбаев ҡотланы. Гран-приҙы тапшырғанда ул 2016 йылда Мексикала Гөлнара менән бергә донъялағы иң бейек Ҡояш пирамидаһында «Таштуғай» йырын башҡарыуҙары хаҡында һөйләне.
Беренсе урын З.Исмәғилев исемендәге Өфө дәүләт сәнғәт институты студенты Наҙгөл Ибраһимоваға һәм филармония солисы Дамир Таиповҡа бирелде, икенсе урынды Өфө сәнғәт институты студенты Эльвина Әхмәтханова һәм башҡорт операһы солисы Рим Рәхимов алды, өсөнсө премияны сәнғәт институты студенттары Регина Хөснөтдинова, Айгиз Уйылданов һәм Радмир Хәсәнов бүлеште.
Концертҡа Ғәзиз Әлмөхәмәтовтың ейәнсәре Ләйлә Латипова ла килгәйне. Ул ойоштороусыларға һәм ҡатнашыусыларға олатаһының — башҡорт музыкаһына нигеҙ һалыусыларҙың береһенең мираҫын һаҡлағандары өсөн рәхмәт белдерҙе. Тамашасылар уның әҫәрҙәре менән нота йыйынтыҡтары һәм китаптар күргәҙмәһендә Ғәзиз Әлмөхәмәтовтың ижады менән танышты.
Ғәзиз Әлмөхәмәтов исемендәге республика йырсылар конкурсы 1968 йылдан уҙғарыла. Конкурсты ойоштороусы – Башҡортостандың Мәҙәниәт министрлығы. Быйылғы йыр бәйгеһе республиканың 100 йыллығына бағышланды. Жюри составында танылған йырсылар, композиторҙар һәм педагогтар эшләй, улар араһында Әлмөхәмәтов конкурсының элекке йылдарҙағы лауреаттары — профессорҙар Фәрзәнә Сәғитова, Флүрә Килдейәрова, Иҙрис Ғәзиев.
http://www.bashinform.ru/news/1239083-gran-pri-konkursa-imeni-gaziza-almukhametova-zavoevala-gulnara-valeeva/
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».