«Мисс International – Ufa» конкурсында һәр бәйгесе үҙ халҡы менән таныштырырға тейеш

ӨФӨ, 2018 йыл, 1 ноябрь. /«Башинформ» мәғлүмәт агентлығы, Ләйлә Аралбаева/. Өфөлә «Мисс International – Ufa» этник-ара матурлыҡ һәм талант конкурсы уҙа. Бәйгелә Башҡортостан Республикаһы биләмәһендә йәшәүсе 18-28 йәштәге ҡыҙҙар – төрлө милләт вәкилдәре ҡатнаша ала. Һәр бәйгесенең үҙ халҡы менән сағыу таныштырыуы конкурстың үҙенсәлеге булып тора.

Конкурста ҡатнашыуға Башҡортостандан, Рәсәй төбәктәренән, БДБ-нан һәм алыҫ сит илдән 50-нән ашыу ҡыҙ ғариза тапшырған. Кастинг 11 ноябрҙә «Башҡортостан» дәүләт концерт залында иртәнге сәғәт 10-да башлана.

Конкурс программаһы сиктәрендә финалсыларҙы республиканың баш ҡалаһы менән таныштырыу, Өфөнөң мәҙәни аң-белем таратыу һәм күңел асыу учреждениеларында булыу, ижади зыялыйҙар менән осрашыу, арҙаҡлы ватандаштар менән аралашыу, оҫталыҡ дәрестәре, халыҡ кәсептәре оҫталарының һәм милли аш-һыу күргәҙмәләре күҙалланған.

27 ноябрҙә «Конгресс-хол»да ҙур финал конкурстың кульминацияһы була.

«Мисс International Ufa» проекты «Таврида» бөтә Рәсәй йәштәр мәғариф форумында 200 мең һумлыҡ грант отто. Форум еңеүсеһе - Заһир Исмәғилев исемендәге Өфө дәүләт сәнғәт институтының бишенсе курс студенты Земфира Рәшитова.

«Конкурс идеяһы Халыҡтар дуҫлығы йорто ҡарамағында Йәштәр Советы рәйесе булып эшләгән ваҡытта барлыҡҡа килде. Миңә республикабыҙҙа йәштәр өсөн милләт-ара ваҡиғаларҙың аҙ булыуы тап килде, - тип һөйләне Земфира. - «Таврида» форумында халыҡ сәнғәтен йәштәр өсөн Рәсәй халыҡтарының традицион мәҙәни ҡиммәттәре нигеҙендә Рәсәй берҙәйлеген нығытыуға булышлыҡ итәсәк тренд булараҡ күрһәтеү беҙҙең бурыс булып торҙо. Форумда еңеү һәм Рәсәй йәштәре агентлығы белгестәре таныуы проектты тормошҡа ашырыу өсөн ҙур этәргес булды».

«Мисс International – Ufa» конкурсы республика халҡын Рәсәй һәм Башҡортостан халыҡтарының мәҙәниәте менән таныштырыу; йәштәрҙең этник-ара аралашыуы өсөн шарттар булдырыу; йәштәр мөхитендә этник-ара экстремизмды иҫкәртеү һәм интернационализм тәрбиәләү; мәҙәниәтте, матурлыҡты, шәхес аһәңлеген һәм камиллығын пропагандалау; эстетик алым тәрбиәләү, Рәсәй һәм Башҡортостан халыҡтарының халыҡ йолаларын, матди һәм рухи мәҙәниәтен һаҡлау һәм тергеҙеү маҡсатында уҙғарыла.

Конкурс ойоштороусылары – Рәсәй йәштәре агентлығы, Милләттәр эштәре буйынса федераль агентлыҡ, Башҡортостан Республикаһы Мәҙәниәт министрлығы, Башҡортостандың Халыҡтар дуҫлығы йорто, «Берҙәм Рәсәйҙең Йәштәр гвардияһы» бөтә Рәсәй йәмәғәт ойошмаһының Башҡортостан төбәк бүлексәһе.

http://www.bashinform.ru/news/1232867-na-konkurse-miss-international-ufa-kazhdaya-uchastnitsa-dolzhna-predstavit-svoy-narod/

Автор:Ләйлә Аралбаева

Теги:конкурстар

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».