Башҡорт театрының «Зөләйха күҙҙәрен аса» спектакле «Алтын битлек»кә тәҡдим ителгән

ӨФӨ, 2018 йыл, 1 ноябрь. /«Башинформ» мәғлүмәт агентлығы, Ләйлә Аралбаева/. Мәжит Ғафури исемендәге Башҡорт драма театрының «Зөләйха күҙҙәрен аса» спектакле 2017-2018 йылдар миҙгелендә «Алтын битлек»кә алты номинацияла тәҡдим ителгән.

1. Драма /Ҙур формалы спектакль

2. Драма /Режиссер эше (Айрат Абушахманов)

3. Драма /Ҡатын-ҡыҙ роле (Римма Ҡаһарманова)

4. Драма /Рәссам эше (Альберт Нестеров)

5. Драма /Костюм буйынса рәссам эше (Альберт Нестеров)

6. Драма /Яҡтыртыу буйынса рәссам эше (Илшат Саяхов).

Спектаклдең премьераһы 2017 йылдың ноябрендә булды. Гүзәл Яхинаның бестселлеры буйынса спектаклде режиссер Айрат Абушахманов сәхнәләштергән. Инсценировканы күренекле Рәсәй драматургы Ярослава Пулинович яҙған. Башҡорт теленә пьесаны Хөрмәтулла Үтәшев тәржемә иткән. Спектаклгә костюмдар, декорациялар эскиздарын әҙерләү менән театрҙың баш рәссамы Альберт Нестеров шөғөлләнгән. Спектаклдә композитор Илшат Яхин яҙған йырҙар һәм музыка яңғырай. Пластик хәрәкәттәрҙе Ринат Абушахманов ҡуйған.

http://www.bashinform.ru/news/1232426-spektakl-bashkirskogo-teatra-zuleykha-otkryvaet-glaza-nominirovan-na-zolotuyu-masku/