Башҡортостан һәм Өфө яңылыҡтары
76.87
+0.54
87.13
+0.11
87.79
-0.65
-10 °C
Ҡар
Бөтә яңылыҡтар
Мәҙәниәт
30 Октябрь 2018, 09:48

Радий Хәбиров Өфө карикатурасыһы Камил Буҙыҡаевтың күргәҙмәһен ҡараны

Башҡортостан Башлығының матбуғат хеҙмәте
ӨФӨ, 2018 йыл, 30 октябрь. /«Башинформ» мәғлүмәт агентлығы/. Башҡортостан Башлығы вазифаһын ваҡытлыса башҡарыусы Радий Хәбиров танылған карикатура оҫтаһы Камил Буҙыҡаевтың ошо көндәрҙә Өфөләге «Галерея ART» сауҙа-күңел асыу комплексында асылған шәхси күргәҙмәһе менән танышты.
Республика етәксеһе рәссамдың 50-гә яҡын эше ҡуйылған экспозицияны ҡарап сыҡты. Был карикатуралар һуңғы 2,5 йылда төшөрөлгән. Уларҙың геройҙары – билдәле сәйәсмәндәр, мәҙәниәт эшмәкәрҙәре, спортсылар, йәмәғәтселәр, күренекле шәхестәр. Бер нисә һүрәт Радий Хәбировҡа арналған. Республика Башлығы вазифаһын ваҡытлыса башҡарыусы сәйәси сатира жанрына ыңғай ҡарауын билдәләне.
«Рәсәй һәм Башҡортостан хаҡында һөйләгәндә, сәйәси сатира ниндәйҙер инструмент булараҡ юғалғайны. Республикала ул Камилдың ижады аша тергеҙелә», – тине төбәк етәксеһе. Камил Буҙыҡаевтың карикатуралары гражданлыҡ йәмғиәте сағылышы булып тора, тип билдәләне Радий Хәбиров. Рәсемдәр көнүҙәк темаға бағышланған, шул иҫәптән чиновниктарға үҙҙәренең етешһеҙлектәрен күрергә мөмкинлек бирә. Шуның менән бергә төбәк етәксеһе республика чиновниктары араһында намыҫлы, һәйбәт кешеләрҙең күп булыуын һыҙыҡ өҫтөнә алды һәм һуңынан улар ҙа карикатура оҫтаһының рәсемдәре геройҙары булыр тигән ышаныс белдерҙе.
«Барыһы менән дә ризамын тип әйтә алмайым. Ләкин шуныһы асыҡ: был – республика мәнфәғәттәре менән йәшәгән ирекле кешенең ижады», – тип тәьҫораттары менән уртаҡлашты Радий Хәбиров.
Камил Буҙыҡаев Башҡортостан Башлығы вазифаһын ваҡытлыса башҡарыусыға иғтибар бүлгәне өсөн рәхмәт әйтте һәм уға үҙенең бер нисә эшен бүләк итте.
http://www.bashinform.ru/news/1231420-radiy-khabirov-posetil-vystavku-ufimskogo-karikaturista-kamilya-buzykaeva/