81.14
0
Башҡортостан һәм Өфө яңылыҡтары
92.22
0
67.96
+2.11
25+ °C
Болотло
Бөтә яңылыҡтар
Мәҙәниәт
17 Октябрь 2018, 10:55
Өфөлә Башҡортостандың заманса һәм маҡсатлы яҡташтары тураһында китаптың исем туйы уҙҙы
социаль селтәрҙәр
ӨФӨ, 2018 йыл, 17 октябрь. /«Башинформ» мәғлүмәт агентлығы, Ләйлә Аралбаева/. Өфөлә 2014 йылдан эшләп килгән бер үк исемле проект буйынса «Bashkort 2.0» китабының исем туйы уҙҙы. Китап Мәскәүҙең «Роликс» нәшриәтендә 500 дана булып сыҡты.
«Bashkort 2.0» - Башҡортостандың заманса, үҫешкән һәм маҡсатлы яҡташтары тураһында проект. Исеме яңыртылған, яҡшыртылған башҡорт йәштәре версияһын сағылдыра. Геройҙар Башҡортостанда һәм Рәсәй ҡалаларында, шулай уҡ Европала һәм Азияла, Төньяҡ һәм Көньяҡ Америкала, Африкала һәм Австралияла йәшәй.
Проекттың маҡсаты – уҡыусыларҙы илһамландырыу, яңы шәхестәр асыу, яҡташтарыбыҙҙың проекттары менән таныштырыу һәм уларға булышлыҡ итеү, үҫешкән башҡорт йәштәр имиджын булдырыу һәм танытыу, бөтә донъянан ватандаштарҙы берләштереү. Бөгөнгө көнгә проект сайтында 100-ләгән мәҡәлә баҫылып сыҡҡан.
Китаптың исем туйына 400-гә яҡын кеше йыйылды. Ҡунаҡтарҙы Рәсәйҙән һәм сит илдән проект геройҙары сәләмләне. «Арғымаҡ», «Голос.Дети» проекты ҡатнашыусыһы Наҙгөл Отузова, ТНТ-ла «Танцы» шоуы ҡатнашыусыһы Нәркәс Юлдашева сараның махсус ҡунаҡтары булды.
«Уҙған сара тураһында бик күп йылы баһалама алдым һәм был проект йәштәребеҙ өсөн бик кәрәк булыуын аңлайым. Ҡайһы берәүҙәр китапты саранан һуң иртәнгә тиклем уҡыған, - тип һөйләне «Башинформ» агентлығына проекттың ойоштороусыһы һәм етәксеһе Эльвира Моратова. - Эшемдең лайыҡлы һөҙөмтәһен күреү һәм тамашасыларҙан һәм уҡыусыларҙан юғары баһа алыу – был минең өсөн ҙур ҡыуаныс. Йәштәр был сара менән илһамланды, минең өсөн йәштәребеҙ тормошонда яңы ыңғай тәьҫорттарға ҡыҫылышым булыу ҙур шатлыҡ һәм ғорурлыҡ».
Киләсәктә проекттың дауамы була, моғайын, икенсе форматта, тип асыҡлыҡ индерҙе автор. «Bashkort 2.0» китабын таратыусыларҙан һатып алырға мөмкин. Мәғлүмәтте сайтта һәм социаль селтәрҙә табырға була.
http://www.bashinform.ru/news/1225295-v-ufe-prezentovali-knigu-o-sovremennykh-i-tseleustremlennykh-urozhentsakh-bashkortostana/
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».