Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-4 °C
Ҡар
Бөтә яңылыҡтар
Мәҙәниәт
2 Октябрь 2018, 11:40

Баш ҡалала мода дефилеһы тәүгә Халыҡ ҡоралдары оркестры оҙатыуында үтә

ӨФӨ, 2018 йыл, 2 октябрь. /«Башинформ» мәғлүмәт агентлығы, Ләйлә Аралбаева/. Өфөлә мода дефилеһы тәүгә Халыҡ музыка ҡоралдары оркестры оҙатыуында үтә. 6 октябрҙә «Еңел сәнәғәт – Өфө» күргәҙмәһе сиктәрендә этно-показдар Өфөнән, Мәскәүҙән, Белоруссиянан, Ҡаҙағстандан яңы коллекциялар тәҡдим итә.
Дефилены ойоштороусы – fashion-модель, Stikhia студияһы етәксеһе, халыҡ-ара матурлыҡ конкурстары еңеүсеһе, Moscow Fashion Week, Estet Fashion Week, Belarus Fashion Week ҡатнашыусыһы Эльвира Ишморатова.
«Башинформ» агентлығына модель һөйләүенсә, ул Өфөлә уҙған Этнотөндә һәм Башҡорт филармонияһының «Ел тыуҙырған моң» проекты сиктәрендә баш дирижер һәм художество етәксеһе Линар Дәүләтбаев идаралығында оркестрҙың уйнауы менән хайран ҡалған.
«Ошондай форматта мода күрһәтеү Өфөлә тәүгә уҙа. Мин яңы идеялар һәм матур биҙәлеш яратам. Был республикала, бәлки Рәсәйҙә лә булмаған уникаль һәм матур тәжрибә, - тип һөйләне Эльвира Ишморатова. - Минең Зәйнетдин көйөнә һәм милли ҡоралдарға показдар ойоштороу, башлап торған һәм халыҡ-ара дизайнерҙар менән уңышлы эшләү тәжрибәм бар. Хәҙер модалы халыҡ-ара коллекцияларҙы оркестр башҡарыуында башҡорт көйөнә күрһәтергә мөмкин».
Милли халыҡ ҡоралдары оркестры – Башҡортостандың визит карточкаларының береһе. Коллектив тарихына 17 йыл. Оркестрҙың яңыраҡ донъя шаулатҡан проекттарының береһе Шүлгәнташ мәмерйәһендәге сығышы булды.
http://www.bashinform.ru/news/1219008-v-ufe-vpervye-modnoe-defile-proydet-v-soprovozhdenii-orkestra-narodnykh-instrumentov-/
Автор:Ләйлә Аралбаева
Читайте нас: