Башҡорт филармонияһы 80-се юбилей миҙгелен аса

ӨФӨ, 2018 йыл, 1 октябрь. /«Башинформ» мәғлүмәт агентлығы, Ләйлә Аралбаева/. Хөсәйен Әхмәтов исемендәге Башҡорт дәүләт филармонияһы 80-се юбилей миҙгелен аса.

5 октябрҙә филармонияның Ҙур залында «ФиларМОҢиЯ» концерты уҙа.

«Был көндәрҙә филармонияла репетициялар бара. Байрам кисәһенә бөтә дуҫтарҙы, яратҡан тамашасыларҙы, шулай уҡ баш ҡала ҡунаҡтарын саҡырабыҙ», — тип хәбәр итте филармонияның матбуғат секретары Ирина Захарова.

Концертта филармонияның бөтә ижади көстәре: солистары Нәзифә Ҡадырова, Ғәли Алтынбаев, Фәҙис Ғәниев, Лилиә Биктимерова, Лилиә Ишемйәрова, Заһир Иҫәнсурин, Фларида Иркина, Дамир Тайыпов, «Далан», «Ҡарауан», «Арғымаҡ» төркөмдәре, «Көлкө-шоу» эстрада миниатюралары театры, ижади коллективтары – Олег Киреевтың «Орлан» этно-джаз ансамбле, Линар Дәүләтбаев етәкселегендә Милли халыҡ ҡоралдары оркестры, филармония балеты артистары һәм башҡалар ҡатнаша.

Концерт режиссеры – Башҡортостандың атҡаҙанған артисы Сулпан Асҡарова, сценарий авторы – Оксана Иванова, балетмейстер – Башҡортостандың атҡаҙанған артисы Рәмиҙә Мөхәмәтшина.

http://www.bashinform.ru/news/1218525-bashkirskaya-filarmoniya-otkryvaet-yubileynyy-80-y-sezon-/