«Алатау алабыңда» фестивалендә башҡорт ишҡурайы яңғыраны

IMPORT Сервисный

ӨФӨ, 2018 йыл, 26 сентябрь. /«Башинформ» мәғлүмәт агентлығы, Ләйлә Аралбаева/. Башҡортостандың халыҡ артисы, Башҡорт дәүләт филармонияһы солисы Ишморат Илбәков «Алатау алабыңда» халыҡ-ара фестиваль лауреаты булды.

Фестиваль тәүге тапҡыр Ҡаҙағстан Республикаһының Алматы ҡалаһында уҙҙы. Сараның инициаторҙары — ТӨРКСОЙ халыҡ-ара төрки мәҙәниәте ойошмаһы һәм «Алатау» традицион сәнғәт театры.

Ҙур музыкаль форумда 11 төрки телле илдең вәкилдәре ҡатнашты. Улар араһында Төркиәнән, Монголиянан, Азербайжандан, Хакасиянан, Татарстандан иң яҡшы башҡарыусылар, шул иҫәптән Башҡортостан тамашасыларына яҡшы таныш Юлияна Кривошапкина (Яҡутстан) һәм Ровшан Йоносов (Үзбәкстан) бар.

«Фестивалдә көтөп алынған ҡунаҡ булғаныма бик шатмын, ойоштороусыларға ҡатнашырға саҡырғандары өсөн рәхмәт әйткем килә. Ошондай традицион сәнғәт форумы төрки халыҡтары мәҙәниәтенең һәм традицияларҙың берләшеүенә булышлыҡ итә», — тине Ишморат Ҡәйүм улы.

Ишморат Илбәков уйлап тапҡан хроматик ҡурай «иш-ҡурай» тип атала. Ҡорманғаҙы исемендәге Ҡаҙаҡ консерваторияһын тамамлаған һәм элек шунда уҡытҡан башҡорт музыканты ҡаҙаҡ телендә иркен аралаша. Фестивалдә иһә ул үҙенең ишҡурайы менән таныштырҙы. Үҙенсәлекле уйын ҡоралы ҡатнашыусылар һәм фестиваль ҡунаҡтары араһында ҙур ҡыҙыҡһыныу тыуҙырҙы. Киләсәктә Илбәков ҡаҙаҡ музыканттарын ишҡурайҙа уйнарға өйрәтергә уйлай.

http://www.bashinform.ru/news/1216222-na-festivale-alatau-alaby-da-prozvuchal-bashkirskiy-ish-kuray/

#халыҡ музыкаһы #ҡурай

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.