91.69
-0.36
Башҡортостан һәм Өфө яңылыҡтары
98.56
-0.08
82.82
-0.85
1+ °C
Болотло
Бөтә яңылыҡтар
Мәҙәниәт
24 Август 2018, 12:42
Өфөлә илдәге иң ҙур музыкаль флешмоб — 1000 музыкант көнө уҙа
ӨФӨ, 2018 йыл, 24 август. /«Башинформ» мәғлүмәт агентлығы, Ләйлә Аралбаева/. 25 августа Өфөлә икенсе тапҡыр илдәге иң ҙур музыкаль флешмоб — 1000 музыкант көнө ойошторола. Уҙғарыу урыны шул уҡ — Өфө амфитеатры.
1000 музыкант көнөндә башҡарыу өсөн өс йыр һайланған: «Кино» — «Группа крови», Nirvana — Smells Like Teen Spirit, AC/DC — It's a Long Way to the Top.
Бынан тыш, көн дауамында ҡатнашыусылар уҙған йылдың рок-хиттарын уйнай (Joan Jett — I Love Rock N Roll һәм Blur — Song 2).
«Төп идея — Өфөнөң музыкаль ҡала һәм һәләтле кешеләрҙең күп икәнлеген күрһәтеү, — ти ойоштороусылар. — Быйыл Рәсәйҙең 30-ҙан ашыу ҡалаһынан 500-гә яҡын кеше ҡатнашырға теләк белдергән. Ҡунаҡтарҙы сараның партнерҙарынан бүләктәр уйнатыу һәм оҫталыҡ дәрестәре көтә».
Ҡатнашыусылар һайлаған йырҙарҙың кавер-версиялары менән айырым йыйылма ҡаралған, улар быны алдан әҙерләй ала. Был мотлаҡ программа түгел. Башҡалар менән бергә теге йәки был композицияны башҡарырғамы, юҡмы – быны һәр ҡатнашыусы үҙе хәл итә. Шулай уҡ быйыл сараның төп сәхнәһендә йәш коллективтар сығыш яһай.
Ҡатнашыу өсөн биш төркөм һайлап алынғайны, уларҙың һәр береһе үҙе ижад иткән йырҙарын башҡара: Sahara Camels, Emigstation, 25 кадр, First Original Reason, Afalina Dreams.
24 августа көндөҙгө сәғәт 4-тә гитарасыларҙы һәм ударниктарҙы теркәү тамамлана. Вокалсылар ҡатнашыусы анкетаһын тултырмаһа ла килә ала, уларға майҙансыҡта йырҙың һүҙҙәре яҙылған брошюра таратыла.
Ҡатнашыусылар майҙансыҡҡа көндөҙгө сәғәт 2-гә саҡырыла. Тәүге синхронлы башҡарыу сәғәт 4-кә билдәләнгән. Сара киске 9-ға ҡәҙәр дауам итә.
Өфөлә флешмобты ойоштороусылар булып Business FM Өфө радиостанцияһы һәм «Өфө уттары» күңел асыу комплексы сығыш яһай. Баш ҡалабыҙҙа бындай сара тәүге тапҡыр 2017 йылдың 26 авгусында уҙғайны. Ул саҡта Өфө амфитеатрында 500-ҙән ашыу музыкант йыйылды. Барыһы ла синхронлы рәүештә билдәле хиттарҙы башҡарҙы. Бер көндә сараға мең тамашасы килде.
http://www.bashinform.ru/news/1201061-v-ufe-proydet-samyy-masshtabnyy-muzykalnyy-fleshmob-strany-den-1000-muzykantov/
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».