12 сентябрҙә Өфөлә Театр төнө уҙа

ӨФӨ, 2018 йыл, 22 август. /«Башинформ» мәғлүмәт агентлығы, Ләйлә Аралбаева/. 12 сентябрҙә Өфөлә һәм Башҡортостан ҡалаларында Театр төнө уҙа.

Йыл һайын ойошторолған мәҙәни акция тамашасыларға театрҙың эске донъяһын күрһәтеүгә — яңы театр миҙгеленең серҙәрен асыуға, театр һөнәрҙәре, спектаклдәр ҡуйыу процесы менән таныштырыуға йүнәлтелгән. Йола буйынса, Театр төнөндә республиканың барлыҡ театрҙары ҡатнаша. Әле һәр театрҙа популяр акцияға әҙерлек эштәре ҡайнай.

М.Ғафури исемендәге Башҡорт театры быйыл «Башҡортостан» киностудияһы менән берлектә Кино-театр төнөн уҙғара. Башҡорт драма театрының акцияһы театр алдындағы майҙанда киске 7-се яртыла башлана.

Театрҙың матбуғат секретары Динара Ҡәйүмова һөйләүенсә, башҡорт режиссерҙарының фильмдарын һәм спектаклдәрҙән өҙөктәр күрһәтеү, Анатолий Жучковтың күргәҙмәһе, тамашасылар менән уйындар, актерҙар менән осрашыуҙар ойоштороу ҡаралған, фотоға төшөү мөмкинлеге бар. Бәләкәй сәхнәлә «Эҙләнем, бәғерем, һине» спектакле ҡуйыла. Киске сәғәт 8-ҙә ҙур залда театрлаштырылған тамаша була. Шунан һуң пьесаны асыҡ уҡыу башлана.

«Рус театрында «Диңгеҙ круизы» исемле тамаша әҙерләйҙар. Театр бер кискә ҙур лайнерға әүерелә, беҙ дуҫтарыбыҙҙы саҡырып, улар менән яңы театр миҙгеле буйлап сәйәхәткә сығырбыҙ, — тине театрҙың әҙәбиәт бүлеге мөдире Елена Попова. — Иғтибар итегеҙ, Театр төнөнә билеттар бушлай. Ләкин ошо кистә театрға килергә теләгәндәрҙең күп булыуына бәйле, бронь мөмкин түгел, ә бер кешегә ике генә билет бирелә».

Рус театрында акция киске 7-лә башлана. Театр төнөнә билеттарҙы театр кассаһында алырға мөмкин.

Тиҙҙән акцияның ентекле программаһы баҫылып сығасаҡ.

http://www.bashinform.ru/news/1200169-v-ufe-teatralnaya-noch-sostoitsya-12-sentyabrya-/

Теги: ижади акциялар

Читайте нас

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».