Өфөлә Ҡурсаҡ театры «Мостай Кәрим. Яҡын офоҡ» исемле спектакль-портрет әҙерләй

театрҙың матбуғат хеҙмәте

IMPORT Сервисный

ӨФӨ, 2018 йыл, 16 август. /«Башинформ» мәғлүмәт агентлығы, Ләйлә Аралбаева/. 15 августа Ҡурсаҡ театрында яңы миҙгелгә әҙерлек башланды.

Тиҙҙән тамашасыларҙы бер юлы өс премьера көтә: «Етем төлкө», «Буратино» камера спектаклдәре, «Мостай Кәрим. Яҡын офоҡ» спектакль-портреты һәм «Ҡыҙыл Башлыҡ».

Театрҙың әҙәбиәт-драма бүлеге етәксеһе Диана Гәрәева-Рәхмәтуллина хәбәр итеүенсә, тамашасылар яңы миҙгелдә иң беренсе «Принцесса Крапинка» спектаклен ҡарай ала, ул иртәгә, 17 августа була.

24 августа тамашасыларҙы «Етем төлкө» спектакленең премьераһы көтә, режиссер — Ольга Штырляева, рәссам — Илнур Слявчин. «Етем төлкө» тигән башҡорт халыҡ әкиәте буйынса спектакль туған телдәрҙе өйрәнеү һәм һаҡлау буйынса программа сиктәрендә әҙерләнгән.

Театрҙа «Ҡыҙыл Башлыҡ» спектакле өҫтөндә лә эш башлана. Режиссерҙар — Виктория Щербакова һәм Андрей Волков. Цехтар яҡын арала ҡурсаҡтар һәм декорациялар әҙерләүгә тотона, ә актерҙар менән отпуск алдынан уҡ ролдәргә бүлеп уҡыу ойошторолғайны. Был спектаклдә тамашасылар яратҡан, Рәсәйҙең халыҡ артисы Айрат Әхмәтшин ҡатнаша.

Яңы миҙгелдә өлкәнерәк тамашасыларҙы Мостай Кәримдең тормошо һәм ижады тураһында «Мостай Кәрим. Яҡын офоҡ» тигән спектаклдең премьераһы көтә. Был күләмле сәхнә әҫәре «Театрҙар - балаларға» программаһы сиктәрендә «Берҙәм Рәсәй» тарафынан бүленгән аҡсаға ҡуйыла. Режиссер Альберт Имамутдинов ошо эшкә бер юлы ике һәләтле рәссамды — Илнур Слявчинды һәм Әнисә Томаншинаны йәлеп иткән, көйөн Урал Иҙелбаев яҙа. Бөйөк шағирҙың тормошо һәм ижады хаҡында спектакль-портрет сәхнә сәнғәтенең бер нисә төрөн берләштерә: бында бейеүҙәр, битлек кейгән актерҙарҙың эше, видео-проекциялар, һәм, әлбиттә, төрлө системаларҙың ҡурсаҡтары бар. Премьера 12 октябргә билдәләнгән.

87-се миҙгелде асыу тантанаһы 15 сентябрҙә уҙа. Был көндә театр кескәй тамашасыларҙы көтөп алынған премьераға — Петр Васильевтың (Петрозаводск ҡалаһы) һәм Алевтина Ториктың (Санкт-Петербург) Алексей Толстойҙың «Буратино» әкиәте буйынса ҡуйған спектакленә саҡыра.

http://www.bashinform.ru/news/1198306-v-ufe-teatr-kukol-gotovit-premeru-spektaklya-portreta-mustay-karim-blizkiy-gorizont/

#ҡурсаҡ театры #миҙгел асыу #премьералар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.