90.65
-0.33
Башҡортостан һәм Өфө яңылыҡтары
98.58
-0.19
82.74
-0.97
14+ °C
Болотло
Бөтә яңылыҡтар
Мәҙәниәт
13 Август 2018, 09:42
Башҡорттар Испаниялағы фестивалдә һәммәһен дә сәк-сәк менән хайран ҡалдырҙы
ӨФӨ, 2018 йыл, 13 август. /«Башинформ» мәғлүмәт агентлығы, Ләйлә Аралбаева/. Испанияла йолаға әүерелгән 32-се Халыҡ-ара мәҙәниәт фестивале бара. Мьяхадас ҡалаһында фестивалдә ҡатнашыусыларға үҙҙәренең милли ризыҡтарын күрһәтеү мөмкинлеге бирелде.
Перуҙар — текила менән мохито, рустар — окрошка, мексикандар һәм парагвайҙар — һалҡын ҡабымлыҡтар, грузиндар тарталеткалар әҙерләгән. Башҡортостан вәкилдәре килгән кешеләрҙе сәк-сәк менән таң ҡалдырҙы. Йәштәр театры һәм «Өйҙәштәр» ситкомы актрисаһы Зөлмәрә Ҡарабулатова тамашасылар алдында оҫта итеп татлы тәмлекәс бешерҙе.
«Беҙгә сәк-сәкте кукуруз таяҡсаларынан әҙерләргә тура килде, сөнки плитә юҡ ине, — тип һөйләне «Башинформ» агентлығына Зөлмәрә. — Иң матур ризыҡ беҙҙеке булды, уны күрәгә һәм сәтләүектәр менән дә биҙәнек. Тәме лә бик татлы. Ойоштороусыларға сәк-сәк бик оҡшаны, «беллиссимо» тигән һүҙҙәр яңғырап торҙо. Бер батмусты дуҫлыҡ билдәһе итеп грузиндарға һәм икенсеһен ойоштороусыларға бүләк иттек».
Ойоштороусылар ҡатнашыусыларға аҙыҡ-түлекте үҙҙәре алһа ла, бал Башҡортостандан ине. Бөтәһе биш батмус сәк-сәк бешергәндәр. Зөлмәрә әйтеүенсә, ул сәк-сәк бешереү оҫталығына әсәһенән өйрәнгән һәм уны бала саҡтан һәр байрамға бешерә икән.
Фестивалдә Башҡортостан вәкилдәре һәм сәк-сәк менән фотоға төшөргә теләүселәр бик күп булған.
Бынан алда «Башинформ» «Айтуған» халыҡ бейеүҙәре ансамбленең Испанияла һәм Португалияла халыҡ-ара фестивалдәрҙә Башҡортостан исеменән сығыш яһауы хаҡында хәбәр иткәйне.
http://www.bashinform.ru/news/1196449-bashkiry-na-festivale-v-ispanii-porazili-sobravshikhsya-chak-chakom/
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».