Башҡортостан һәм Өфө яңылыҡтары
78.94
+0.3
89.15
+0.22
90.89
+0.93
-15 °C
Ҡар
Бөтә яңылыҡтар
Мәҙәниәт
1 Август 2018, 10:50

Өфөлә Санкт-Петербург балауыҙ һындары музейының күргәҙмәһе асыла

ӨФӨ, 2018 йыл, 1 август. /«Башинформ» мәғлүмәт агентлығы, Ләйлә Аралбаева/. Башҡортостандың Милли музейында Санкт-Петербург балауыҙ һындары музейының күргәҙмәһе асыла.
Күргәҙмәлә 40-дән ашыу һын тәҡдим ителгән. Килеүселәр Рәсәйҙең һәм донъяның билдәле сәйәсмәндәрен, бөйөк ғалимдарҙы, сәнғәт эшмәкәрҙәрен, шоу-бизнес һәм кино йондоҙҙарын, йәнһүрәттәрҙәге популяр персонаждарҙы, шулай уҡ Гиннес рекордтар китабынан һындарҙы ҡарай аласаҡ. Китап биттәренән һәм телеэкрандарҙан сыҡҡан әкиәт геройҙары балаларҙы ҡыуандырасаҡ, өлкәндәрҙе балалыҡ иленә алып ҡайтасаҡ.
«Өфөлә Санкт-Петербург балауыҙ һындары музейы күргәҙмәһе уникаль. Төньяҡ баш ҡалала уларҙың үҙ оҫтаханаһы бар. Улар донъяла иң яҡшыларҙың береһе булып һанала. Белгестәрҙең һәр персонаж өҫтөндә ентекле эшләүе хайран ҡалдыра, сөнки ысын кешеләр һәм уйлап сығарған геройҙар менән оҡшашлыҡ иҫ киткес», — тип хәбәр иттеләр музейҙың матбуғат хеҙмәтендә.
Күргәҙмәлә селфи эшләргә рөхсәт ителә, әммә экспонаттарҙы ҡул менән тотоп ҡарарға ярамай. Бында яратҡан персонаж, кино кумиры йәки сәйәси эшмәкәр менән фото төшөргә була. Өфөләге күргәҙмә ғаилә менән ҡарау өсөн кәңәш ителгән.
http://www.bashinform.ru/news/1191805-v-ufe-otkryvaetsya-vystavka-sankt-peterburgskogo-muzeya-voskovykh-figur/
Автор:Ләйлә Аралбаева