Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Мәҙәниәт
30 Июль 2018, 12:40

Баш ҡалала өсөнсө Евразия гуманитар форумы була

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2018 йыл, 30 июль. /«Башинформ» мәғлүмәт агентлығы, Розалиә Вәлиева/. Өфөлә 21-23 сентябрҙә ЮНЕСКО эгидаһы аҫтында мәҙәниәт һәм халыҡ ижады мәсьәләләре буйынса III Евразия гуманитар форумы үтә.
Тейешле бойороҡ рәсми хоҡуҡи мәғлүмәт интернет-порталында баҫылып сыҡҡан.
Форумды уҙғарыу урыны итеп Өфөләге Конгресс-холл билдәләнгән. Ойоштороу комитетына форум программаһын һәм саралар планын әҙерләргә ҡушылған.
Форум сит ил эштәре министры Сергей Лавровтың Рәсәй Федерацияһы субъекттары башлыҡтары менән Евразия гуманитар хеҙмәттәшлек мәсьәләләре һәм 2020 йылда Башҡортостанда Бөтә донъя Фольклориадаһын уҙғарыуға әҙерлек буйынса протоколды ғәмәлгә ашырыу буйынса саралар сиктәрендә үтә.
2017 йылдың июлендә Өфөлә II Евразия гуманитар форумы уҙҙы. Ул саҡта һөнәри белем биреүгә, шул иҫәптән алдынғы технологиялар өсөн эшсе кадрҙар әҙерләүҙең өҫтөнлөклө бурыстарына арналды. Мәҙәни-ара диалогты үҫтереү һәм хеҙмәттәшлек мәсьәләләре буйынса I Евразия гуманитар форумы Башҡортостандың баш ҡалаһында 2016 йылдың майында үтте. Өфө ЮНЕСКО-ның уҡыусы ҡалалары глобаль селтәрендә Рәсәйҙең беренсе ағза ҡалаһы булды. Республикала 83 мәктәп «Ассоциацияланған ЮНЕСКО мәктәбе» исемен йөрөтә.
http://www.bashinform.ru/news/1190919-v-ufe-proydet-tretiy-evraziyskiy-gumanitarnyy-forum/
Автор:Розалиә Вәлиева
Читайте нас: