Башҡортостан һәм Өфө яңылыҡтары
77.36
+0.67
87.59
+0.69
86.68
+0.41
-18 °C
Болотло
Бөтә яңылыҡтар
Мәҙәниәт
26 Июль 2018, 09:25

Ҡытайҙа Рәмил Килмәмәтовтың «Башҡортостан – Рәсәй ынйыһы» фотокүргәҙмәһе асылды

БР Мәҙәниәт министрлығы
ӨФӨ, 2018 йыл, 26 июль. /«Башинформ» мәғлүмәт агентлығы/. Ҡытайҙың Цзянси провинцияһында Башҡортостандың халыҡ рәссамы Рәмил Килмәмәтовтың «Башҡортостан – Рәсәй ынйыһы» фотокүргәҙмәһе асылды. Проект мәҙәниәт һәм сәнғәт эшмәкәрҙәренә Башҡортостан Республикаһы Башлығы гранты сиктәрендә ғәмәлгә ашырылды. Уны фоторәссам 2018 йылда алды. Экспозицияға 50 эш инә һәм улар республиканың традицион һәм заманса мәҙәниәте тураһында һөйләй.
Күргәҙмәне Башҡортостан Хөкүмәте Премьер-министры Рөстәм Мәрҙәнов асты. Хәтерегеҙгә төшөрәбеҙ, республиканың рәсми делегацияһы әле эш сәфәре менән Ҡытай Халыҡ Республикаһының Цзянси провинцияһында. Сәфәрҙең маҡсаты – хеҙмәттәшлекте нығытыу, Цзянси провинцияһының ҙур инвестиция проекттарҙы тормошҡа ашырыуҙағы эшен һәм инвесторҙар, индустриаль парктар менән системалы эш ойоштороу тәжрибәһен өйрәнеү, тип хәбәр итә Башҡортостан Хөкүмәтенең матбуғат хеҙмәте.
Белешмә.
Башҡортостан Республикаһы Башлығы гранттары мәҙәниәт һәм сәнғәт эшмәкәрҙәренә йыл һайын тапшырыла. Улар музыка, театр, педагогия, хореография, һәм һынлы сәнғәт, кинематография, архитектура һәм дизайн, музей һәм китапхана эше, художество кәсептәре, халыҡ ижады өлкәләрендә мәҙәни ҡиммәттәрҙе булдырыу, һаҡлап ҡалыу, арттырыу, таратыу һәм үҙләштереү, шулай уҡ Башҡортостан Республикаһының мәҙәни потенциалын һаҡлап ҡалыу һәм үҫтереү буйынса ижади проекттарға ярҙам итеү өсөн ойошторолған.
http://www.bashinform.ru/news/1189926-v-kitae-otkrylas-fotovystavka-ramilya-kilmamatova-bashkortostan-zhemchuzhina-rossii/
Автор:«Башинформ» мәғлүмәт агентлығы