Шишәмбе, 12 Май 2026

Өфө

+13 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Мәҙәниәт

06:35 (UTC+5), 02 Июль 2018

«Башҡорт рок музыкаһы тере!» – «Бөйөк дала» фестивале ҡатнашыусылары һәм тамашасылары

Район мәҙәниәт һарайының матбуғат хеҙмәте

Ләйлә Аралбаева

ӨФӨ, 2018 йыл, 2 июль. /«Башинформ» мәғлүмәт агентлығы, Ләйлә Аралбаева/. Хәйбулла районының Аҡъяр ауылында яҡшы йолаға әүерелгән IV «Бөйөк дала» асыҡ республика рок-фестивале үтте.

Быйыл рок-фестивалендә республиканың ете ҡалаһынан һәм дүрт районынан 21 коллектив, шулай уҡ Ҡаҙағстан Республикаһы (Ҡостанай) һәм Ырымбур өлкәһе (Орск һәм Медногорск) коллективтары ҡатнашты.

Үҙ оҫталығын Ҡаҙағстан Республикаһы ҡунаҡтары – Нурлан Кажиев һәм Ырымбур өлкәһенең Медногорск ҡалаһынан «Резонанс» төркөмө күрһәтте.

Фестивалдә Башҡортостандан «Елмәрҙәк» (Белорет), «Дәрт» (Межгорье), «Дуҫтар» (Сибай), «Дәүер» (Стәрлетамаҡ), «Дан», «DarMan project», «Малай-шалай», «Nektoria» (Өфө), «Бәйембәт» (Күгәрсен районы), «Юлдаш» (Салауат районы), «Аҡъяр», «Ай нуры» һәм «Рух» (Хәйбулла районы) рок-төркөмдәре сығыш яһаны.

«Фестивалдең башҡарыу кимәле үҫкән. Ҡатнашыусылар артҡан, фестиваль сиктәре киңәйгән, тамашасылар һаны күбәйгән, - тип хәбәр иттеләр Хәйбулла районы мәҙәниәт һарайында. - Фестиваль ҡуйылған бурыстарҙы үтәй алды һәм республиканың мәҙәни тормошонда иң сағыу ваҡиғаға әйләнде».

Фестиваль сиктәрендә «Башҡортостан Республикаһында этнорокты үҫтереү перспективалары» темаһына түңәрәк өҫтәл үтте. Унда Хәйбулла районы хакимиәте башлығы урынбаҫары Минзәлә Баймырҙина, Республика халыҡ ижады үҙәге генераль директоры Артур Әлибәков, легендар «Дәрүишхан» төркөмөнөң лидеры Альберт Ғаббасов һәм рок-төркөм етәкселәре ҡатнашты.

Рок-фестивален асыр алдынан фестивалгә махсус рәүештә сығарылған лотерея уйнатылды, уның төп бүләге – шыйыҡ кристаллы телевизор.

Орск ҡалаһы коллективының утлы акробатик экстремаль шоу программаһы байрамдың үҙенсәлекле өлөшө булды.

Фестивалде Баймаҡ ҡалаһының «BAYMAK BAYKERS» мотоберләшмәһе, Күмертау һәм Белорет ҡалаһының «Ҡорос тырнаҡтар» мотоклубы байкерҙары биҙәне. Сара Орск ҡалаһы парашютсыларының шоуы менән дауам итте.

Рок-фестиваль «DarMan project»тың сығышы менән тамамланды, уның сығышында фейерверк булды.

«Башҡорт рок музыкаһы тере! Яҡшы тауыш һәм яҡтыртыу ине, урындағы һәм шулай уҡ килгән төркөмдәр сығыш яһаны. Халыҡ күп йыйылды, ғаилә менән килеүҙәре ҡыуандырҙы, - тип һөйләне модель Эльвира Ишморатова. - Ойоштороу йәһәтендә берҙән-бер етешһеҙлек ул - беҙҙең боронғо башҡорт районында, Урал аръяғында, милли ризыҡтар һәм ҡымыҙ тәҡдим ителмәүе. Мәҙәниәтебеҙ өсөн күңел әрней, киләсәктә ойоштороусылар теләктәребеҙҙе иҫәпкә алыр тип ышанам».

Фестивалдең ойоштороусылары – Башҡортостан Мәҙәниәт министрлығы, Республика Халыҡ ижады үҙәге, Хәйбулла районы хакимиәте.

1 из 7

http://www.bashinform.ru/news/1180945-v-bashkortostane-sostoyalsya-rok-festival-velikaya-step/

#рок-музыка

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.