Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Мәҙәниәт
28 Июнь 2018, 16:24

«Мираҫ» йыр һәм бейеү ансамбле Францияла CIOFF фестивалдәрендә Рәсәй исеменән сығыш яһай

ӨФӨ, 2018 йыл, 28 июнь. /«Башинформ» мәғлүмәт агентлығы, Ләйлә Аралбаева/. Францияла CIOFF фестивалдәрендә Рәсәй исеменән «Мираҫ» йыр һәм бейеү фольклор ансамбле ҡатнаша.
Данлыҡлы коллектив Парижда «Донъя бейеүҙәре һәм музыкаһы» халыҡ-ара фестивалендә, Францияның төрлө ҡалаларында сығыш яһай.
«Донъя бейеүҙәре һәм музыкаһы» — Фольклор һәм халыҡ ижады фестивалдәрен ойоштороу буйынса халыҡ-ара советтың (CIOFF) мөһим проекттарының береһе. 28 июндә Генераль дирекция патронаты аҫтында ЮНЕСКО-ның штаб-фатирында концерт була. Бында төрлө илдәрҙән килгән фольклор коллективтары тамашасыларға донъя халыҡтарының бай мираҫын тәҡдим итә.
Быйыл бишенсе тапҡыр үткәрелгән абруйлы халыҡ-ара фестивалендә бөтәһе һигеҙ ил: Аргентина, Индонезия, Нигерия, Чили, Никарагуа, Эстония, Франция (Ницца) һәм Рәсәй ҡатнаша. CIOFF президенты Филипп Боссандың саҡырыуы буйынса илебеҙ исеменән «Мираҫ» йыр һәм бейеү фольклор ансамбле сығыш яһай.
Ул Башҡортостан коллективының башҡарыу оҫталығын юғары баһалап, быйыл сентябрҙә Өфөлә Бөтә донъя CIOFF конгресы уҙғарыласағын билдәләне.
Ансамбль алдына 2020 йылғы Бөтә донъя фольклориадаһы алдынан Рәсәй халыҡтарының бай мираҫы менән таныштырыу маҡсаты ҡуйыла.
ЮНЕСКО-ның Штаб-фатирында сығыш яһағандан һуң коллектив тағы ла бер нисә фестивалдә ҡатнаша. 2-9 июлдә Роман-сюр-Изер округында «Echanges, Cultures et Traditions du Monde» халыҡ-ара фольклор фестивале уҙа. Унда ҡатнашыуҙан тыш, артистар Бур-де Пеаж ҡалаһының муниципаль социаль үҙәгендә, Borea Romans виллаһында, Морис-фор майҙанында урындағы халыҡ менән осраша, оло йәштәгеләр өсөн анимацияла ҡатнаша, музейҙарға, спектаклдәргә бара.
16 июлдә ансамбль Сегре округына Халыҡ музыкаһы һәм бейеүҙәре фестиваленә юллана. Урындағы халыҡ Ҡырғыҙстан, Алжир, Уругвай, Колумбия кеүек илдәрҙең коллективтары сығышын ҡарай ала.
http://www.bashinform.ru/news/1179987-ansambl-pesni-i-tantsa-miras-iz-ufy-predstavit-rossiyu-na-festivalyakh-cioff-vo-frantsii-/
Читайте нас: